SDHK-nr: 6520

Innocentius episcopus, seruus seruorum Dei, venerabili fratri . . episcopo Woxoniensi(2) et dilectis filiis . . abbati monasterii Psalmodiensis Nemausensis diocesis ac Birgero Gregorii, canonico Stranginensi(3), salutem etc. Nobilitatem generis, honestatem vite morumque decorem ac alia multiplicium dona virtutum et(1) merita probitatis, quibus dilectum filium Iohannem Karoli de Swecia, canonicum Vpsalensem, testimoniis fidedignis iuuari percepimus, attendentes libenter eidem ad graciam reddimur liberales. Cum itaque, sicut accepimus, prepositura ecclesie Lincopensis, quam venerabilis frater noster Nicolaus, episcopus Lincopensis, tempore promocionis facte de ipso per felicis recordacionis Clementem papam vi, predecessorem nostrum, ad Lincopensem ecclesiam tunc pastore carentem in dicta Lincopensi ecclesia obtinebat, per huiusmodi promocionem suam et consecracionis munus eidem apud sedem apostolicam de mandato prefati predecessoris impensum vacet ad presens, nos volentes eundem Iohannem, pro quo eciam idem episcopus per suas litteras dicto predecessori super hoc humiliter supplicauerat, premissorum intuitu fauore prosequi gracie specialis(4) discrecioni vestre per apostolica scripta mandamus, quatenus vos vel duo aut vnus vestrum per vos vel alium seu alios eandem preposituram, si, vt premittitur, vacat et tempore date presencium in ea non sit(5) alicui specialiter ius quesitum, cum omnibus iuribus et pertinenciis suis eidem Iohanni auctoritate nostra conferre et assignare curetis, inducentes eum(1) vel procuratorem suum eius nomine in corporalem possessionem prepositure ac iurium et pertinenciarum predictorum et defendentes inductum, amoto ab eo quouis illicito detentore ac facientes eundem Iohannem vel dictum procuratorem pro eo ad ipsam preposituram auctoritate predicta, vt est moris, admitti sibique de illius fructibus, redditibus(6), prouentibus, iuribus et obuencionibus vniuersis integre responderi, contradictores auctoritate nostra appellacione postposita compescendo. Non obstantibus quibuscumque statutis et consuetudinibus ipsius ecclesie contrariis, iuramento, confirmacione apostolica vel quacumque firmitate alia roboratis, aut si aliqui super prouisionibus sibi faciendis de dignitatibus, personatibus vel officiis ipsius ecclesie speciales aut aliis beneficiis ecclesiasticis in illis partibus generales dicte sedis vel legatorum eius litteras impetrarint, eciam si per eas ad inhibicionem, reseruacionem et decretum(7) vel alias quomodolibet sit processum, quibus omnibus in assecucione dicte prepositure prefatum Iohannem volumus anteferri, sed nullum per hoc eis quo ad assecucionem dignitatum, personatuum, officiorum et beneficiarum aliorum preiudicium generari, seu si episcopo, qui est pro tempore, et dilectis filiis capitulo Lincopensi vel quibusuis aliis communiter vel diuisim ab eadem sit sede indultum se SD 5271 t. o. m. ’mencio specialis’ med noter c, d-d, f aut si dictus Iohannes presens non fuerit(8) ad prestandum de obseruandis statutis et consuetudinibus ipsius ecclesie solitum iuramentum, dummodo in absencia sua(9) per procuratorem ydoneum et cum ad ecclesiam ipsam accesserit corporaliter illud prestet, siue quod ipse in ecclesia Vpsalensi canonicatum et prebendam ac parrochialem ecclesiam Losce(10) Vpsalensis diocesis noscitur obtinere. Volumus autem, quod idem Iohannes, quamprimum ipse vigore presencium dictam preposituram pacifice assecutus extiterit, dictam parrochialem ecclesiam, quam extunc vacare decernimus, omnino prout eciam se obtulit ad id sponte dimittat. Ac insuper irritum decernimus et inane, si secus super hiis a quoquam quauis auctoritate scienter vel ignoranter contigerit attemptari. Datum Auinione iii nonas februarii anno primo.