SDHK-nr: 6482

Magnus, Dei gratia rex Svecie, Norvegie et Scanie, omnibus presens scriptum cernentibus in Domino salutem. Noveritis, quod nos ecclesie Nyakyrkio provincie Junakir sedecim solidos cum dimidio terre in villa Lidhum parochia Nykirkio et quatuordecim denarios terre in villa Thorestum eadem parochia cum suis attinenciis, omnibus et singulis, ad eam longis relatis temporibus per prescripcionem immemorem dicamus (C: dictam) ominnes hæfd legaliter donolitios (C: devolutos) ac per quendam Ingonem in Thoresta minus iuste et nouiter occupatos adiudicamus sentencialiter in possessionem perpetuam per precentes, prohibentes sub obtencione gracie nostre et pena amissionis xl marcharum fisco nostro regio irremissibiliter applicandarum, ne quis, cuiuscunque condicionis aut status existat, prefatam ecclesiam seu provisores vel procuratores eiusdem super predictis bonis presumat de cetero contra tenorem precentis huiuslibet(!) impetere vel gravare. Datum Nycopie sub sigillo nostro ad causas anno Domini m°c°c°c°l° secundo feria quinta proxima ante Martini presente domino . . Abyornatzon.