SDHK-nr: 10732

Ego Johannes Karlsson prepositus Lyncopensis et canonicus Vpsalensis ‧ tenorepresencium constare volo tam ‧ posteris quam modernis ‧ me cathedrali ecclesie Vpsalensi, metropoli regni Swecie, in nongentis florenis de signo et cuneo Florentino ponderis Coloniensis sub vero mutuo per me receptis esse veraciter et realiter obligatum ‧ pro quorum integra solucione ‧ ipsi ecclesie bona mea infrascripta, videlicet tres marchatas terre in villa Risnø parochie Spanga cum opidis ‧ agris ‧ pratis ‧ siluis ‧ piscariis ‧ pascuis ‧ ac omnibus et singulis eorundem bonorum et opidorum adiacenciis infra sepes et extra ‧ quibuscumque censeantur nominibus ‧ soluo ‧ deputo ‧ et assigno perpetuo possidenda ‧ condicionibus, que sequuntur, adiectis ‧ quod scilicet heredes mei predicta bona pro florenis in nummero^a ,  et forma pretactis redimere valeant ‧ infra annum ‧ a data presencium computandum ‧ prouiso, quod, si bona prefata per ychonomum vel alium ad hoc nomine ipsius ecclesie deputatum ‧ quoad agriculturam, reparacionem domorum inibi positarum vel aliarum de nouo edificandarum meliorata fuerint ‧ jdem heredes mei ante occupacionem eorundem bonorum ‧ antedicte ecclesie vna cum principali florenorum summa premissa plenarie satisfaciant de impensis. Renuncio insuper in hiis scriptis excepcioni non habite et non nummerate^b Så ms. pecunie ac omnibus et singulis aliis excepcionibus tam iuris quam facti necnon omnibus iuris canonici et ciuilis ac legum penitencie amminiculis ‧ que michi vel heredibus meis contra premissa vel premissorum aliqua possent generaliter vel particulariter suffragari ‧ Si vero bona sepedicta per heredes meos infra annum, vt premittitur, redempta non fuerint ‧ jdem heredes bona ipsa cum eorum adiacenciis deinceps redimendi nullam penitus habeant facultatem. Actum et datum apud ecclesiam Spanga anno Domini cccº lxxquinto, quartadecima die mensis Octobris, die videlicet Calixti pape, jn presencia parochianorum ibidem tunc presencium, de quibus specialiter et expresse nominati fuerunt firmarii testes dicti wlgariter fasta infrascripti, videlicet Gunnarus in Flẏastum¹Flysta i Spånga socken. ‧ Olauus in Heslaby²Hässelby i Spånga socken. / Laurencius in Norum ³Nora i Bromma socken. / Johannes in Akarle⁴Akalla i Spånga socken. / Michael in Rincaby⁵Rinkeby i Spånga socken. / Olauus ibidem ‧ Iærlerus in Æruinge⁶Ärvinge i Spånga socken. / Gislo in Rincaby / Martinus in Digraacarlø⁷Akalla i Spånga socken (för namnformen se DMS, Uppland 1:7, s. 316). ‧ Laurencius ibidem / Laurencius in Krosta⁸Troligen avses Krogsta i Norrsunda socken. ‧ et Michael in Røsta.⁹Råsta i Spånga socken. Jtem ‧ super prediis premissis in Risnø ‧ fuerunt presentes duo testes dicti wlgariter vidheruarumen ‧ scilicet dominus Johannes ‧ curatus ecclesie Spanga predicte ‧ et Katilbernus de Vellingiaby proloqutoris in illa prouincia vices habens. Jn quorum omnium euidenciam firmiorem sigilla nobilium virorum ‧ domini Karoli Vlfson, Vplandiarum legiferi, ac Finuidi Finuidson et Filippi Karolson meo sigillo proprio peto presentibus coapponi ‧ Sigilla insuper nobilium virorum domini Anundi Jonson generi ‧ et Petri ‧ Isrælson presentibus apponi peto in maiorem euidenciam premissorum.