SDHK-nr: 7374

Honorabilibus et circumspectis viris amicis in Deo dilectis dominis proconsulibus et consulibus Lubicensibus proconsules et consules Stokholmenses quid reuerencie poterint et honoris / Quoniam prout ad nostram deuenerat noticiam quod(a) vir reuerendus Johannes Geysmar condam conciuis vester considerans de salute anime sue dedit et legauit in testamento suo centumviginti marchas Lubicenses aliquibus hic nobiscum / similiter et domina Cristina Gyzstrowe(b) octogintaquinque marchas Lubicenses / honestati [vestre notum facimus per] presentes quod liberi dominorum Remboldj Swarte / et Gerardj Swarten / tam religiosi quam se[culares simili]ter et quedam Aleydis Valenhusen cum sorore sua Bertrade exhibitorem presencium Nichol[aum de Borgh villa] num nostrum suorum et suorum cuiuslibet verum et legitimum procuratorem constituerunt et fecerunt, aliqui in presencia nostra in consistorio, aliqui per testes ydoneos ibidem, videlicet persone religiose, modo et forma, prout decet(c) , ad leuandum et percipiendum sortem illorum racione testamentj ipsis datam, habentes firmum et ratum quidquid fecerit in premissis, nos itaque vos certificare volumus per presentes quod secundaria monicio de et super premissis de cetero fiat nulla / Cuiuslibet premissorum partem leuandam, vobis explicet lator presencium supradictus. In Domino nunc et diu feliciter valeatis. Scriptum die beatj (d-) Barnebe apostoli(-d) anno Dominj M° ccc°l°octauo sub maiori sigillo ville nostre in premissorum euidenciam firmiorem. Quod exhibitori presencium fidelem assistenciam ad optinendam pecuniam premissam (e-) exhibere velitis(-e) , vos instanter petimus per presentes. Iterato in Domino valeatis