SDHK-nr: 11312

Vniuersis presentes litteras inspecturis Heyno Garper salutem in Domino sempiternam. Per presentes omnibus constare volo et fateor euidenter ‧ michi per venerabilem in Christo patrem et dominum meum carissimum dominum Birgerum Dej gracia archiepiscopum Vp­salensem de omnibus et singulis pecuniis et quibuscumque aliis rebus ‧ que in vsus suos et pro ipso quomodocumque exposueram a tempore, quo locacionem curie Lunda ab ipso recepi, vsque ad presentem diem ‧ singulis quibusque rebus computatis et defalcatis ‧ esse veraciter satisfactum / sic, quod ad graciarum accionem reddo penitus me contentum ‧ caucionem sibi suisque heredibus et successoribus per presentes faciens ‧ ne quis heredum meorum eundem dominum meum archiepiscopum seu suos heredes aut successores quantum ad acta et gesta inantea sollicitet vel perturbet / Litteras siquidem obligatorias seu scripturas quascumque ‧ quas michi hucusque concesserat, si fortasse inuente fuerint ‧ per presentes casso, cancello et mortifico et esse volo nullius penitus firmitatis ‧ Jn quorum euidenciam ‧ quia vsum sigilli non habeo, sigilla honorabilium virorum dominorum Hemingi in Ekbẏ et Aruidi in Græn ecclesiarum curatorum peto cum instancia hiis presentibus anteponi. Datum Arnø anno Domini Mºcccºlxxºoctauo, septima die mensis Octobris.