SDHK-nr: 7845

Jn nomine Domini amen . Cum presentis vite terminus cunctis mortalibus sit incertus . quem secundum Augustinum(1) conditor noster idcirco latere voluit . (a-) vt finem nostrum . et finis nostri exitum . locum . et tempus ignorantes . dum mors jgnoratur, semper proxima esse credatur(-a) / tanto feruencior vnusquisque sit in operacione . quanto incercior est de vocacione . Hac consideracione ductus ego Nicolaus Magnuson(b) de Viænes(c) huius vite terminum cunctis mortalibus formidandum . licet debilis corpore . sanus tamen mente . de facultatibus meis per misericordiam Dej michi prestitis consulte cupiens preuenire . testamentum meum condo et conficio in hunc modum . Jn primis lego fratribus minoribus Lincopie . caballum meum cum armis meis . torace scilicet, grvsenær(2) . krawa(3) et galea . cum quibus meam eligo sepulturam . cuilibet fratrj sacerdotj ibidem . j . marcham . fratrj Henrico, confessorj meo, tapete meum viaticum / ecclesie cathedralj dimidiam partem bonorum meorum in Slykkio(d) . claustro monialium Wretis . iiij:or . thynones annone . claustro Askaby similiter . Karolo Birgerson(e) duo cornua magna . meliora que habeo . Nicolao de Stangh(f) . j . cornu . ecclesie Edhe . pratum meum . dictum Krokastadhæ(g) . de quo proueniunt duodecim ore . dimidietatem ecclesie . et dimidietatem pro mensa sacerdotis . jtem ecclesiis . (h-) Giæluisrum . Hananes . Yxnesrum . et Vknæ(-h) . cuilibet ecclesie predicte . j . marcham . et illarum curatis tantum . jtem conuiuio sanctj Andree vnum attongum terre in Glanaas situatum in parrochia Swanshals(i) / jtem domicelle Mæritto(k) annulum aureum meliorem quem habeo . jtem Anundo, famulo meo, pro suo longo seruicio(1) et fidelj dimidietatem bonorum meorum in Slykkio . et cum hoc annulum meum minimum . et par boum quod est in siluis . jtem famulo meo Skytto caballum meum lesum in coxa pro suo seruicio et pecunia quam sibi teneor / jtem famulo meo Johanni Karlson (m ) bona mea in Hundakiær cum suis attinenciis / Paulo, famulo meo . j . marcham denariorum . et Laurencio similiter / Olauo Spædhingh . j . vaccam / Katherine(n) . j . vaccam, domestice Jngridj (0 ) in Aslaby annulum aureum . quem ipsa personaliter michi dedit / jtem domestice Ragnildj (p ) Lincopie . ij . vaccas / jtem famulo meo (q-) Jussæ Skyttæ(-q) loricam meam / ecclesie sancti (r ) Laurencii Lincopie . j . marcham / jtem famulo meo Magno Jwanson(s) . j . polidrum rubej coloris et album in capite / jtem famulo meo Mathie Skrædæræ(t) . j . polidrum brunetj coloris . Exequtores autem huius mej testamentj eligo et constituo discretos viros, dominum (u-) Vlphonem Haqunson(-u) . Karolum Birgerson(v) , consanguineum meum in Christo predilectum . et (x-) Nicolaum de Stangh(-x) . quorum eciam sigillis vna cum proprio . presens testamentum meum peto confirmarj . volens quod nullus heredum meorum vnquam istud verbo vel facto impediat . prout diuinam vlcionem vitare . ac iram Dej voluerint declinare . Datum Lincopie(y) . anno Domini . M° . ccc° . sexagesimo jn vigilia apostolorum Symonis et Jude /