SDHK-nr: 10078

(a-) Laus honor et gloria(-a) sit Deo pro omnibus beneficiis suis . Carissime domine . Jntellexs per verba que ex parte vestra dixit michi dominus meus et filius meus Alphonsus episcopus voluntatem vestram bonam que nullatenus videtur esse sine dono singulari et (b-) gracia Spiritui sancti(-b) . quam voluntatem Deus(c) faciat vsque in finem vobiscum perseuerare ad sui honorem et ad vestrum(d) gaudium et salutem . Quapropter rogo vos vt non displiceat dileccioni vestre si aliqua scribo vobis ad consolacionem et solacium contra humani generis inimicos . Dilectissime domine [,] quia ego audiui quod vos estis talis et tantus homo quod habetis iurisdiccionem (e ) et potestatem super alios homines vobis subditos et habetis honores mundi - et diuicias et nobilitatem generis . habetis eciam(f) humanam consolacionem de vxore et filiis vestris / et aliis amicis et cognatis . et(g) jnsuper a Deo vobis addita est visitacio Spiritus sancti . jdeo [,] o domine mi [,] oportet vos esse sollicitum et valde cautum in conseruando graciam predictam ne preciosa dona spiritualia et diuina propter aliquod bonum terrenum et transitorium aliquatenus muniantur(h) . Consultum ergo est nunc vobis diuinitus qui alios habetis regere et facere justiciam / quod caueatis omnino ne faciatis iniusta judicia . Et eciam precipitur vobis quod si habetis aliqua bona male acquisita statim plenarie restituatis . et de cetero caueatis ne aliqua bona jniuste et male acquiratis . et a talibus diligenter caueatis tamquam a toxico(ha) et veneno mortifero . Ceterum quia(i) terras ecclesie et domini pape habetis regere mensura iusta et recto tramite(k) . jdeo attendatis ne populi vobis subiecti onerentur(l) et grauentur tributis et imposicionibus insolitis . (m-) sed omnino gaudeant justicia sua antiqua tempore iustorum rectorum antiquitus(n) obseruata(-m) . Et si vos desideratis et wltis conseruare donum preciosum et singularem visitacionem Spiritus sancti . que sepe vos inuisibiliter visitat caueatis diligenter tamquam ab ira Dei quod nec propter ecclesiam seu papam nec(o) propter instancias seu inimicicias . aut propter pecuniam - seu . aliquam familiaritatem . numquam(p) sitis dux vel princeps aut coope-rator alicuius belli seu guerre . nisi pro certo sciueritis(q) quod ex iusticia vos oporteat juuare seu vindicare aut defendere alios . seu auxiliari(r) jniuste oppressos / Ceterum quia Deus dedit vobis bona temporalia que vobis satis sufficiunt ad congruam sustentacionem vestram et vestre familie moderatam . jdeo oportet quod custodiatis cor vestrum illesum ab omni cupiditate sicut custodiretis illud a flatu Diaboli et veneno . et non thesaurizetis(1) neque faciatis congregacionem bonorum temporalium ad optinendas diuicias ad(s) ditandum et ad exaltandum filiosvel parentes . / Preterea quia Deus vos constituit in statu coniugali et matrimonio(t) idcirco in eodem statu viuite et perseuerate pie et honeste cum diuino timore . cauendo sollicite et attente ne aliqua(u) committatis(v) propter que incurratis indignacionem Spiritus sancti / et omnes alias feminas et mulieres fugite preter vestram vxorem propriam ne faciatis contra mandatum Dei . quia si contrarium feceritis(x) erit vobis via dampnabilis ad infernum . a qua via vos custodiat et liberet virgo et mater Dei Maria / Consulitur quoque vobis stare ad tempus in isto officio domini pape in quo nunc estis [,] in rectoria scilicet ducatus [,] donec sciatur quam viam dominus papa arripuerit et vbi stabiliter ipse posuerit (y-) sedem suam(-y) . Ego enim firmiter spero in Deum viuum quod illud desiderium quod habetis nunc scilicet deserere mundum et Deo seruire omnino prosperabitur et optinebit bonum finem . / Nunc autem loquor ad vos ex materna caritate [,] et ex humilitate et licencia vestra .(z) exnunc (aa-) vos voco(-aa) filium meum . Consulo (ab ) tibi [,] o fili mi(ac) [,] quod frequenter facias confessionem peccatorum tuorum(ad) . et si aliquando senseris desiderium communicandi tunc libenter et deuote accipias(ae) corpus Christi .(as) quia sicut infans pascitur et crescit ex alimento lactis materni . jta et anima tua ex percepcione illius cibi corporis Christi fortificabitur et crescet(af) ad recipiendum(ag) et retinendum (ah ai-) forcius diuinam caritatem / Jtem consulo quod nullo die omittas / quin habeas aliquam horam desti-natam et ordinatam ad cogitandum et meditandum(-ai) deuote sacra wlnera et passionem Christi . et cogitabis [,] fili mi(ak) [,] quomodo ipse dulcis Iesus captus et ligatus . flagellatus . illusus et wlneratus . spinis coronatus judicatus ad mortem . crucifixus et inclauatus(al) . amarissime aceto et felle potatus . derisus et crudeliter mortuus . et insuper lancea wlneratus fuit pro redempcione tua . jlle qui est rex glorie et dominus dominancium(2) / et postquam ista omnia sic deuote cogitaueris(am) . roga ipsum humiliter et cum lacrimis vt ignem sui amoris augmentet in corde tuo et tuum desiderium (an-) in bonum(-an) perficiat secundum sue diuine beneplacitum voluntatis . Amen . Ipse(ao) te illuminet regat et dirigat qui est benedictus in secula seculorum(ap) . Et vt hec(aq) credatis scripsi nomen meum(ar) propria manu in presenti littera . et eam feci sigillari 3-sigillo meo consueto(-3) / Scriptum Rome vii die nouembris