SDHK-nr: 2581

Omnibus presens scriptum cernentibus B. diuina miseracione scarensis episcopus Salutem in domino sempiternam. Notum facimus per presentes nos per testes fidedignos veraciter intellexisse quod dominus benedictus tunason prepositus quondam scarensis et sweno bradhawidher magher ciuis scarensis mutuo accedente assensu inter se taliter conuenerunt videlicet quod ipse sweno et heredes sui post ipsum deberent habere perpetuo quoddam spacium wlgariter dictum maal de agro ipsius prepositi iuxta curiam dicti swenonis versus orientem et viam sex cubitorum in latitudine directe tendentem de dicto spacio ad pontem situm iuxta domum fratrum predicatorum scaris. per quem transitur ex parte orientali in ciuitatem hac adiecta condicione quod idem sweno et heredes sui ac omnes ad quos dictum spacium declinare contingeret in futurum sepem legittimam inter viam illam et agrum facere tenere et quociens necesse fuerit reficere tenerentur et soluere singulis annis ipsi preposito et omnibus suis successoribus marcham denariorum pro dicto spacio et dimidiam marcham pro area antiqua curie swenonis supradicti nomine pensionis. Et si forsan monetam notabiliter meliorari vel deteriorari contigerit tres vlne de vero et legali panno gandeuensi ipsi preposito et suis singulis successoribus singulis annis ante pascha absque omni eciam exactione soluerentur. Alioquin tam area antique curie quam dictum spacium soluere in termino prefixo cessante prescripcione seu quolibet alio possessionis tytulo non obstante statim ad preposituram libere deuolui deberent et redire sublata eciam penitus et expresse ipsi preposito et cuilibet in prepositura sibi succedenti facultate qualibet conuencionem eandem aliqualiter irritandi vel cassandi Nunc autem mortuo preposito supradicto discreti viri magister benedictus nunc existens prepositus et memoratus sweno in presencia nostra persona liter constituti presente et annuente domino Ragnero canonico nostro iam dicti agri possessore conuencionem eandem ratificauerunt et fecerunt ex nouo Promittentes firmiter quod ipsam infringere vel subuertere nunquam conabuntur et peterites instanter eandem auctoritate nostra confirmari Nos igitur conuencionem supradictam tam racionabiliter factam approbamus et sentencialiter confirmamus et presentes super hoc litteras ad instanciam vtriusque partis in testimonium concedentes sigilli nostri et sigillorum magistri benedicti prepositi supradicti et capituli nostri dicti domini Ragnar-i canonici nostri sunonis joonson aduocati scarensis communitatis ibidem et sepedicti swenonis munimine roborantes Datum scaris anno domini M°CCCºXIII° jn die assumpcionis virginis gloriose.