SDHK-nr: 6552

Omnibus presens scriptum cernentibus Johannes Kætildi miles salutem in Domino sempiternam. Tenore presencium recognosco puplice per presentes me viro nobili et militi dilecto consanguineo meo domino Kætildo Glysing curiam meam Aspanes parochie Kristdal situatam cum opido quodam dicto Maala et quadam captura anguillarum, dicta alafang, ac aliis omnibus et singulis adiacenciis, infra sepes vel extra, quocumque nomine censeantur, nullis penitus dumptaxat exceptis, secundum leges Osgocie plenaliter et integre resignasse empcionis titulo, alienans michi meisque heredibus dictam curiam cum adiacenciis suis, vt predixi, et approprians dicto domino Kætildo Glysing militi suisque heredibus iure perpetuo possidendam. Insuper si aliquis vel aliqui consanguineorum meorum aliorum ipsam curiam sic resignatam inpedire temptauerint vel aliqui alii cuiuscumque status seu condicionis, extunc per me meosque heredes ratum et gratum habiturus promitto quidquid actum vel agendum fuerit in premissis, quod ipsi domino Glysing suisque heredibus ipsam curiam libere et iure possidendam ego et heredes mei promittimus in hiis scriptis. In cuius rei euidenciam et cautelam firmiorem presentes sigillorum munimine, videlicet mei, Stenonis Haquonson et Karoli Langa proconsulis Kalmarnensis, facio roborari. Scriptum anno Domini m°ccc°liii° die beati Marchi ewangeliste.