SDHK-nr: 2659

Omnibus presentes litteras jnspecturis Kanutus jonson legifer Osgocie. salutem in domino sempiternam. Tenore presencium constare volumus vniuersis protestantes. quod Anno. domini. M°. CCC°. XV:to feria secunda post octavas Epiphanie proxima. constitutus in communi pretorio dicto lansthing. Lyncopie. Nobilis Miles Dominus. Birgerus petersson super bonis post dominum Johannem angelum bone memorie relictis diligenter jnquirens vtrum sibi aut heredibus domini fulkonis joonson secundum leges paternas iure hereditario attinerent. que obieccioni Nobili viri et discreti responderunt vnanimiter asserentes se nicchil(!) verius jntellexisse quam quod premissa bona dicto domino. B. nec cuiquam alii legaliter cederent et ad eundem pertinerent. videlicet Domini Jnfrascripti. Dominus laurencius vlfson. Dominus Magnus karlson Dominus Røricus Birghison. Dominus Johannes knutson et dominus dan jonson cum quibus alii viri prouidi et in legibus periti qui secuntur hoc idem consenserunt videlicet gødhstaws tunason. kætilbernus knutson. jowarus Birghison. Magnus Waldimarson. Ragnwaldus bierghwidhason. thyrgillus. hulti. cum aliis discretis viris dictis stemningamen petro Mathusson Daan Mattiusson. jngulfo de awarstadhum Agmundo de Mungulstadhum et thyrgillo de grenby. øiaro laka. et Guthormo kryl. vnde ad protestacionem Dominorum et virorum predictorum quia nicchil verius intelleximus recognoscimus nos sepedicta bona Domino. B. petersson memorato secundum leges osgotorum adiudicasse iure hereditario possidenda perpetue. nostro saluo judicio meliori. Jn cuius rei testimonium Siggillum nostrum presentibus est appensum. Datum vlwasum Anno Domini predicto. feria quarta post octauam Ephiphanie(!) proxima.