SDHK-nr: 2600

Omnibus presens scriptum cernentibus Henricus dei gracia Comes de Glycken salutem in domino sempiternam. Racionabiliter induxit antiquitas, quod videlicet ob fragilem humanam memoriam, que geruntur in tempore, ne lapsu temporis obliuioni tradantur, autoritate scripture testimonio futurorum noticie transferantur. Nos vero sanus mente et corpore, in publicam proferimus nocionem, quod venerabili domine, domine Catharine quondam filie dilecti generi nostri domini Svantepulk, Abbatisse Wretis, et claustro suo, curiam nostram Tunæ sitam in Dandæræ in Svecia, in parochia kattynæs post obitum nostrum titulo testamenti nostri, et dilecte coniugis nostre domine Lucie conferimus perpetuo possidendam, condicione tali, quod quamdiu vixerimus eandem ad usus nostros observamus. Jn cuius rei testimonium, sigillum nostrum presentibus est appositum. Datum Wretis Anno domini M. CCC. XIV. in conversione Sancti Pauli Apostoli.