SDHK-nr: 7036

Dilecto filio(1) Johanni Henrici presbytero Strenginensis(2) diocesis salutem etc. Laudabilia tuarum probitatis et virtutum merita super quibus apud nos fidedigno commendaris testimonio nos inducunt ut tibi reddamur ad graciam liberales / Cum itaque hodie dilecto fjlio Johanni Wylikini preposito ecclesie Strenginensis de prepositura ipsius ecclesie tunc uacante per nostras certi tenoris litteras duxerimus prouidendum [,] uolentes inter cetera quod idem Johannes quamprimum vigore earundem litterarum dicte prepositure foret possessionem pacificam assecutus parrochialem ecclesiam Runthuna Strenginensis diocesis quam tunc temporis obtinebat sicut ad huc obtinet quamque ex tunc uacare decreuimus omnino dimittere teneretur prout in eisdem litteris plenius continetur et propterea dicta parrochialis ecclesia in breui uacare speretur Nos volentes tibi pro quo eciam venerabilis frater noster Thirgillus episcopus Strenginensis asserens te dilectum suum nobis super hoc humiliter supplicauit premissorum intuitu graciam facere specialem dictam parrochialem ecclesiam cum eam premisso uel alio quouis modo preterquam(3) per ipsius Johannis obitum uacare contigerit conferendam tibi cum omnibus iuribus et pertinenciis suis donacioni apostolice reseruamus[,] districtius inhibentes .. episcopo Strenginensi qui est pro tempore ac illi uel illis ad quem uel ad quos eiusdem parrochialis ecclesie collacio prouisio presentacio seu queuis alia disposicio pertinet communiter uel diuisim ne de ipsa ecclesia contra reseruacionem nostram huiusmodi disponere quoquomodo presumant Ac decernentes exnunc irritum et inane si secus super hijs a quoquam quauis auctoritate scienter uel ignoranter contigerit attemptari / Non obstantibus si aliqui super prouisionibus - - - sit processum[,] quibus omnibus in assecucione dicte parrochialis ecclesie te uolumus anteferri sed nullum - - - mencio specialis / Nulli ergo etc. nostre reseruacionis inhibicionis et constitucionis infringere etc Datum apud Villamnouam Auinionensis diocesis - xvii . kalendas augusti anno quarto /Jn eodem modo Dilectis filijs .. preposito Arosiensi et Aliquino de Walentunum Vpsalensis ac Lamberto de Ludgudhawi Lincopensis canonicis ecclesiarum salutem etc. Laudabilia dilecti filij Johannis etc . usque specialis Quocirca mandamus quatenus vos uel duo aut vnus vestrum per vos uel alium seu alios predictam parrochialem ecclesiam per nos ut premittitur reseruatam cum eam ut prefertur uacare contigerit eidem Johanni cum omnibus iuribus et pertinenciis suis auctoritate nostra conferre et assignare curetis[,] jnducentes eum uel procuratorem suum eius nomine in corporalem possessionem parrochialis ecclesie ac iurium et pertinenciarum predictorum eadem auctoritate et defendentes inductum amoto ab ea quolibet detentore facientes sibi de ipsius parrochialis ecclesie fructibus redditibus prouentibus iuribus et obuencionibus vniuersis integre responderi / Non obstantibus omnibus supradictis Seu si eidem episcopo uel quibusuis aliis communiter uel diuisim a predicta sit sede indultum quod interdici suspendi uel excommunicari non possint per litteras apostolicas non facientes plenam et expressam ac de uerbo ad uerbum de indulto huiusmodi mencionem Contradictores auctoritate nostra etc . Datum ut supra .