SDHK-nr: 2338

Vniuersis præsens scriptum cernentibus, tam præsentibus quam futuris, Birgerus Dei gratia Sveorum Gotorumque Rex, salutem in Domino sempiternam. Nobilis viri Domini Folconis Ionsson, fidelis nostri, præsentis Exhibitoris seruicia multiplicia nobis tenerius inpensa, debita meditatione pensantes ratione inducimur, et voluntarijs motibus merito prouocamur, vt non solum fidem ipsius, et devotionem firmarii dignis fauoribus, et votiuis remunerationibus compensemus, verum Etiam de seruicio nostro reddere volumus, indempnem, et de præmijs non immunem, autoritate Regia sibi damus, suisque veris hæredibus, curiam nostram dictam Algöö, cum colonijs omnibus, agris, pratis, pascuis, piscaturis, siluis, venationibus, et ceteris alijs curiæ adiacentibus, prænotatæ habendam, tenendam, et in perpetuum possidendam. pro nobis nostrisque hæredibus, pacifice et quiete, nec volumus nos diebus nostris, nec hæredes nostri teneantur, aliquo de iure inposterum revocare. In cuius rei testimonium sigillum nostrum, vna cum sigillo Magnificij Principis. Domini E. Dei gratia Regis Danorum Illustris, et aliorum nobilium Dominorum, videlicet Domini Magni, Episcopi Vexionensis, Domini Leonardij dapiferi, Domini Turonis Kiätillsson, Camerarij, Domini Haquini Lämä Marscalki nostri, Domini Canuti Ionsson, Domini Tuconis Ionsson. Domini Petri Liquidsson, Domini Töriri Birgirsson, Domini Haquini Haralsson, Domini Holmvidi Elefsson, consiliariorum nostrorum dilectorum præsentibus est appensum. Datum Hälsingör, Anno Domini Millesimo, CCC Decimo, III Nona Martij.