SDHK-nr: 2715

Omnibus presentes litteras inspecturis nicolaus jonson et consors sua cristina salutem in domino sempiternam Tenorepresencium notum sit omnibus euidenter, quod sani et incolumes mente et corpore Cupientes de bonis per nos iuste acquisitis in nostrorum remissionem peccaminum saluti animarum nostrarum sollicite prouidere Conferimus et testamentaliter legamus sacerdoti curato in vidbohæred vni post alium inperpetuum quatuordecim oras terre in byestum cum domibus et omnibus attinenciis in agris pratis, infra sepes et extra prope vel remote, et omnes vrfiellos ibidem qui sunt infra limites wlgariter dictos raa et rør et vnum vrfiellum qui vocatur ragnotegher tali condicione adiecta vt idem curatus obligatus sit ad vnam missam qualibet ebdomada celebrandam jta quod secunda feria prime ebdomade a die obitus nostrum alterutrius inchoante missam celebret pro requie defunctorum, nostra ac nostrorum propinquorum, per collectas speciales memoriam faciendo Jn secunda vero ebdomada feria quinta missam de sancto spiritu, Jn tercia autem ebdomada die sabbati de beata virgine missam celebret decantando Nisi festa sanctorum predictis diebus occurrerint celebranda. tunc in aliqua die vacante ante vel post immediate suppleantur Jnsuper volumus quod festum concepcionis beate virginis omni anno celebret et sollempniter teneat ad octauam Ad dictum vero festum celebrandum damus et conferimus duas oras terre preter illas quatuordecim prius dictas ibidem in eadem villa, cum omnibus attinenciis prope vel remote Jta quod de obuencionibus que proueniunt de dictis duabus oris annuatim ematur cera ad peragendum festum memoratum Jtem assignamus alias duas oras terre eciam in villa superius posita taliter quod quicquid ex illis annis singulis prouenerit per curatum et tutores ecclesie Jn cena domini pauperibus erogetur Committimus eciam curato actoritatem tenorepresencium ordinandi et locandi tam istas duas oras terre quam alias prius dictas Conferimus eciam curato supradicto decem marchas puri argenti, pro emendis pecudibus, ad restaurandum bona que pertinent ad quatuordecim oras terre memoratas, quarum decem marcharum puri valorem, adinstar inuentarii fundi ecclesiastici vna cum dictis quatuordecim oris terre semper illibatum seruare teneatur, si vero ipse curatus hanc nostram ordinacionem in missis vel in aliis factam tenere vel obseruare noluerit tunc reuerendo in christo patri archiepiscopo vpsalensis ecclesie ac nostris heredibus propigquioribus plenam committimus auctoritatem, tam dictas quatuordecim oras terre, quam alias quatuor oras superius disiunctiue positas, cum singulis pertinenciis suis, tradendi et committendi illi qui premissa omnia libenter seruare voluerit et nostram in hiis complere voluntatem Testes autem huius nostre ordinacionis sunt hii. videlicet honorabiles viri dominus nicolaus cristine canonicus vpsalensis dominus laurencius de ringbohæred dominus nicolaus presbiter noster, ericus cristiernson, ragnerus dictus stallari, petrus sigridhason ragualdus pæterson, enarus hacunson, nicolaus dictus vplening thieluo et magnus frater suus in crokestum petrus jngimarus et iohannes ibidem nicolaus jærundason et nicolaus suarti in byestum, elauus, karolus, inguarus de carlaby Jtem petrus de berby, ragualdus hemmingus Jærundus de asby Jn cuius rei testimonium sigillum venerabilis patris domini olaui dej gracia vpsalensis ecclesie electi consecrati vna cum sigillis nostris presentibus est appensum sigilla eciam honorabilium, virorum domini nicolai cristinason supradicti domini laurencii de ringbohæred kætilli jonson, erici cristiernson ragneri stallara, et enari hacunson presentibus apponi postulamus Datum apud rikkaby anno domini Millesimo trecentesimo, decimo sexto Jn die purificacionis beate marie.