SDHK-nr: 775

Jn nomine patris & filij & spiritus sancti amen. Ego benedictus quondam swtraggi filius grauissima infirmitate depressus anime mee prout possum & si non ut teneor cupio prouidere. Vnde de bonis mihi a deo concessis condo taliter testamentum. Ad edificium sancte katerine ad fratres minores scaris ubi & sepulturam eligo. predia que byallem possideo insuper & uestes meas scarlaticas & alias blauias cum uno cult & purpura una & casula purpurea dignum duxi tribuenda. Ad solucionem mee crucis predia in quibus tres coloni habitant moaherath cum quodam prato extra uaganti dare disposui. sed hoc voluntatj domini mei ducis concedo prout sibi placuerit disponendum. filie mee note quam habeo iuxta claustrum wretom quoddam prediolum quod hoclom habeo tribuo possidendum. Quatuor personis in seruitute natis plenam libertatem condonaui. quorum nomina persona ecclesie de rothene & stabularius meus omerus sciunt & cognoscunt. Cetera omnia tam mobilia quam immobilia meis iustis heredibus derelinquo. Confectum est autem hoc testamentum presentibus hijs testibus domino vnnulfo sacerdote. stabulario meo omero. Johanne medico. Magno gunnari filio de øsgocia. fratribus minoribus iggeldo & lalone. Contestor igitur omnes tam presentes quam absentes. ut hoc testamentum tam legitime & canonice factum inuiolabiliter conseruetur. Confectum rothene anno domini. M°. CC°.L°. IX*. die sancte agnetis.