SDHK-nr: 1513

Omnibus presentes litteras inspecturis Nicolaus decanus ecclesie vpsalensis, salutem in domino sempiternam. Constare volo per presentes me nomine ecclesie vpsalensis tamquam procuratorem & syndicum ipsius ecclesie, Cum laurencio Nicolai quondam filio de gismustum & vxore sua permutacionem quandam fecisse prediorum habui enim a predicto laurencio & sua vxore sex oras terre iu seby. & quatuor solidos terre in vilingi, que quidem predia me nomine ecclesie possidere ac manu tenere per presentes recognosco, pro predictis predijs dicto laurencio & vxore sua restitui seu reassignauj, decem oras terre cum vno solido terre in villa thigbili parochia vengium super qua permutacione rite facta & legittime inter nos de utriusque consensu. Jn pretorio fulclandie iuxta Cimiterium maioris ecclesie testes dedimus jnuocauimus seu adhibuimus fasta wlgariter appellatos, Ne igitur aliquis dictum laurencium vxorem suam seu heredes ipsorum super predicta permutacione vim uel calumpniam inposterum inferre seu quomodolibet eum molestare presumat, & ut ipsam eciam permutacionem per consensum nostri capituli factam seu ratificatam esse cunctis in posterum liqueat litteram sibi presentem fieri feci & sigillo nostri capituli ac meo proprio communiri. Actum apud vpsaliam feria secunda post primam dominicam passsionis anno dominj. Millesimo. CC°. Nonagesimo primo.