1616-09-21
Illustrissime Domine,

Superioribus literis,^a quas Illustrissimam Amplitudinem Tuam accepisse nullus dubito, ea scripsi quæ in caussâ Sacræ Maiestatis suæ Aduentum Legatorum consecuta sunt. Nunc ad Maiestatem suam, quid porrò confectum sit, accuratè scripsi, ac ad Ill. A. T. ea hic repeterem, si quid esset, quod certi scribi posset aut si quid accuratius scribi postularet. Nunc in Regiis literis ita etiam minima persecutus sum, ut quid addi possit, non uideam. Spero hac septimanâ rem confectam fore; sin minus, negatam certè, ne sua Maiestas ulterius animi pendeat. Si quid sit, aut ipse afferam aut, si res præsentiam meam ulterius exigere uideatur, per Monier, AntonMonerium^b intra paucissimos dies scribam.

De rebus FrankrikeGallicis præter ea, quæ Ill. Dijck, Jacob vanLegatus^c scripsit, hæc, quæ inclusa uides, hesternâ die mercator quidam ad me misit. Ubi HaagHagam rediero, è Aubéry du Maurier, BenjaminLegato Gallico^d plura et certiora cognoscam.

Libri tui iam missi forent, nisi has nundinas exspectare coactus esset librarius, ut eos suppleret, quos ex iis, quos Ill. A. T. notarat, iam vendiderat. Sed urgere non desinam.

Plura nunc quæ scribam non habeo, nisi ut me eo affectu complecti pergas, quem hactenus in Illustri humanitate tuâ exosculatus sum.

Vale Ill:me Domine, cum Ill:ma coniuge ac totâ familiâ, quam Deus tueri ac conseruare ut porrò dignetur, omnibus precibus exorare non desino. Scribebam ipsis Kal. Octobris St. N. MDCXVI Dion. AmsterdamAmsterodami

Ill:mæ A. T. obligatissimus Rutgersius

Adress:

Ill:mo D:no, Axelio Oxenstiernæ, Fijholmiæ ac Tij-
doenæ Baroni, Ser:mi atque Inuictiss:mi Principis Gustaui II.
Regnorumque eius Consiliario atque Cancellario summo, etc.
D:no ac patrono suo colendo
Stockholmiam

Påteckning:

Præsent. på Tijdön
D. 18 Octobr. An. 1616.