1617-02-02

Illustris ac Generose Domine, hunc tabellarium cum literis James IRegis Magnæ Britanniæ^a intercessoriis ad Christian IVregem Daniæ ^b pro temporis diuturniore termino ad numerandas pecunias pro arce ÄlvsborgElzburre impetrando de industria misi, ut ad Maiestatem Suam Regis Daniæ literas mentis ipsius hac in re interpretes deferret. Temporis instantia impediebat, ne quicquam de presenti hoc termino scriberet, sed serio apud M. S. agit argumentis, quibus maxime visum est idoneis, in medium prolatis (quamvis parce more solito cum Rege Daniæ), ut pro duobus sequentibus quatuor annos largire digneretur.¹

Literas sue Maiestatis vna cum exemplaribus inter suam Maiestatem et Merrick, Sir JohnJohannem Merik, equitem aureatum et Regiæ Maiestatis Legatum,^c conscriptis de pacis inter M. S. et Michael RomanovMoscouitam^d tractatu ad James Iregem detuli. Optat huic negotio felicem exitum. S. M. propterea suadet, ne durioribus cum illis conditionibus agat, quæ fortassis licet premente iam necessitate ab illis extorqueri possunt, recuperatis tandem viribus necesse habebunt violare; in id potius incumbendum, ut de eiusmodi pacis contrahendæ mediis sibi prospiciat S. M., quibus ratam semel et firmam cum ipsis amicitiam stabilire queat.

Bis mille Thaleros recepi. Dominationis Vestræ erga me amorem et colo et ingenue recognosco, plurimique (ut par est) facio, verum eo me redigit rerum mearum necessitas, ut cogar eiusdem fauoris apud Do. V. incrementum implorare, et ut hic meus famulus (cui huius rei curam demandaui) omni posthabita mora ad me expectata satisfactione relegetur, qua ære alieno, quod S. M negotiis inuigilans contraxi, me expedire queam. Quod si hoc tempore et tempestiue fiet, me duplo S. M. devinctum esse fatebor, omnesque meos conactus,² obsequium, studia, labores eo dirigam, ut S. M et Regni ipsius bono et commodo inseruiant. Durius ad Do. V. scribere nolo, cum sciam Do. V. erga me amorem (quo nihil mihi antiquius) huius meæ tam iustæ petitionis satis superque esse capacem.

Quod ad mercatores et illorum conatus attinet aliaque hic occurrentia certior erit³ Dominatio vestra ex literis Regis ad eius M. missis. Multa mihi in aures susurrantur de proditione et clandestinis in ipsis regni visceribus consiliis, in quibus non parum gloriatur Sigismund IIIPolonus,^e multaque alia deferuntur, rumores non sine probabili fundamento, de quibus nec volo nec audeo enucliatim scribere. Certiorem tantum Do. V. facio pessimos volitare inter hominum ora sermones. Si quid ad amussim indagare possum, proxima data occasione Do. v. palam faciam. Interim me pristino Do. V. amori et Do. V. deo omnipotenti commendo. Vale.

LondonLond. 2 feb. 1617

Do:nis V:ræ addictissimus Jacobus Spensius

Adress:

Illustrissimo Generosissimo Domino, Do.
Axelio Oxestene, Regni Suetici
supremo Cancellario et Barroni
de Tiholmen et Tidhoij, amico
suo plurimum Colendo.

Påteckning:

Præsent. Stokholm Die 28 April. An. 1617