A quibusdam Regiæ suæ Maiestatis Consiliariis rogatus, vt relictæ Coote, JohnJohannis Cotiia nuper in Sueciâ defuncti viduæ causam Illustri vestræ Generositati commendarem, facere non potui, quin petitionem meam hac in parte interponerem. Maiorem itaque in modum Dominationem vestram rogatam velim, vt causam ipsam sibi commendatam habere haud grauetur literarumque desuper à Regiis hic locorum Consiliariis ad Illustrissimum Regni Sueciæ Consilium datarum eam rationem habere, vt dicti Consiliarii intelligant intercessionem suam dictæ viduæ profuisse. Hinc non solum mutua inter vtriusque Regni Consiliarios amicitia augebitur, sed et nostros vobis ita hoc beneficio demerebimini, vt si quando vsus venerit reipsa ostendent, quantum se vobis hoc nomine debere existiment. Cum his etiam D. V. Certificatorium accipiet a Domino Lord Mayor of LondonMaiore et Aldermannis sive Senatoribus Ciuitatis LondonLondinensis, vnde patebit iustus Rationum et Reliquationum, quæ in hac causa controvertuntur, status de speciali Dominorum Consiliariorum mandato summa curâ et diligentia a peritis probisque viris ex Codicibus Rationum excerptus et desumptus. Si D. V. pro spectata sua iustitia et equitate placuerit misellæ huius viduæ causam fauore suo dignari, non solum ipsa grati animi indicia exhibebit, sed et ego, qui aliàs D. V. plurimum iam debeo, hoc fauore eidem magis magisque obstrictus nullam non occasionem captabo, quò gratitudinem meam quoquo seruitii genere probem. Cum autem Illustris vestræ Generositatis nobile ingenium satis iampridem compertum habeam, eidem pluribus in præsentia molestus esse desino, Deum optimum maximum ardentibus votis obtestans, vt D. V. quam diutissime velit incolumem conservare. LondonLondini 18 die Aprilis Anno Salutis 1620
Adress:
Illustri ac generoso domino
do. exelio oxesterne, libero
baroni in Tiholme et Fithoij
equiti aurato, ac regni
Sueciæ cancellario etc.
__________________________