SDHK-nr: 3831

Omnibus presens scriptum cernentibus Karolus Magnusson salutem in Domino sempiternam Tenore presencium recognosco me de nobili milite Domino Eringislone Jonson trecentas quinquaginta marcas denariorum monete in Svecia nunc currentis mutuo recepisse pro quibus dicto Domino Eringisloni bona mea silicet vnam marcam terre in Frodatorph parochie Vikby in nericia, et quinque attungos terre in Akatorp Parochie rugbiergum que de ipso Domino Eringislone pro bonis in Skialfby Parochie øzma legali mutacionis titulo conquisiui racione pignoris assignaui, sub hac forma, quod si pecunie summa prenotata infra epiphaniam Domini proximam et [d.v.s.: est] soluta dicta bona in Frødatorph et Akatorph mihi et meis heredibus cedere debent, sin autem ablata mihi et heredibus meis quomodolibet redempcionis et reuocacionis facultate illa bona ipsius Domini Eringislonis possessioni irreuocabiliter assigno transferens in ipsum et suos heredes plenum proprietatis ius sepedicta bona mutandi, vendendi et qualitercunque voluerit ordinandi. Ad maiorem autem huius facti euidenciam vna cum sigillo meo sigillis nobilium militum dominorum Anundi Sture et Karoli Benedixson presentes facio consignari. Scriptum Arosie Anno Domini M°. CCC. XXX. primo, in tercia feria proxima octaue natiuitatis beate virginis.