SDHK-nr: 4293

Omnibus presens scriptum cernentibus, karulus neskunungsson miles illustris regis swecie salutem in domino sempiternam,, cercior habetur rerum congnicio, (!) si testimonio litterarum perhennetur,, Nouerint vniuersi tam posteri quam presentes me reuerende domine et in deo deuote domine jngridi abbatisse totique conuentui Wretis predia mea silicet fiskæmanzhø et trosbygd cum agris et pratis cum molendinarum locis piscaturis (!) omnibus siluisque successibus ad eadem predia infra sepes et extra spectantibus pro pleno precio congruo et condigno legaliter vendidisse,, Racione tali prehabita quod nemo ab heredibus meis dicta predia ab eisdem dominabus potestatem siue facultatem habeat reuocandi uel sibi auferre siue intemerarie vsurpare Jn cuius rei euidenciam sigilla discretorum dominorum silicet domini anundi sturæ generi mei dilecti et domini karuli bendixsson et johannis hamarson vna cum meo presentibus sunt appensa. Datum anno domini M°, CCC°, XXX, VI°, in festo apostolorum symonis et iude.