SDHK-nr: 4295

Omnibus presens scriptum cernentibus. Ericus wnnasson salutem in domino sempiternam,, Quoniam que in tempore fiunt ne inposterum adnichilari possint, testimonio discretorum solent comprobari, volo omnibus et singulis euidenter elucere, me ælene lafrinzsdottor consorti mee predilecte bona mea omnia in simmaryd, et wæ. silicet duas curias in simmaryd et in wæ. tres. cum agris pratis. siluis. pascuis. palludibus. piscariis. molendinis seu molendinorum locis, infra sepes et extra. longe vel prope positis. pro munere dotis. wlgaliter dicto murghyngæff rite et racionabiliter contulisse, sub hac condicione quod si deus nobis liberos annuerit, eorum sit matrimonium et non patrimonium, vel me sine liberis ex nobis progenitis ipsa superuiuente mori contigerit, predicta bona eidem ælene et suis heredibus cedant perpetuo iure possidenda. a me vel meis heredibus in presenti vel inposterum nuncquam redimenda seu reuocanda, si vero ipsam sine liberis me superstite mori contigerit quod deus auertat ad me et meos heredes sine resolucione aliquali et inpedimento redeant bona memorata, Jn cuius rei testimonium Sigilla discretorum virorum videlicet. domini thyrgilli clæmiztsson. domini marquardi fan kyrna. domini gøstaui niclisson militum. domini wæmundi canonici,, ebbonis green. karoli gudzerksson olaui gudmunsson. et martini bændictsson vna cum sigillo meo proprio presencialiter sunt appensa. Datum viuilstadha. anno domini. M°. CCC°. XXXº sexto. quarta feria proxima post appostolorum symonis et iude.