SDHK-nr: 17587

Wniuersis presentes literas inspecturis Buggo, aduocatus Malmøgensis, Andreas Horn, consul, Acho Jenisson, Thomas Westeson, Jenis....., Petrus Ageson et Michael pistor, villani ibidem, salutem in Domino. Notum facimus vniuersis, quod sub anno Domini millesimo quadringentesimo undecimo constitutus in placito nostro ciuili vir honestus Andreas Horn prenominatus divulgauit bona hereditaria inter Hemmingum Olaui, nostrum conciuem, presencium exhibitorem, et filium eius Nicholaum Hemmingi, parte sui matrimonii, Andream Petri et Laurentium Petri.....os, parte eorum patrimonii, videlicet vtensilia, suppellectilia, singula debita et alia bona mobilia, in presencia cognatorum eorum amicabiliter diuisa, ita quod quilibet eorum in porcione sua omnino contentetur, qui heredes istam bonorum diuisionem cum mutua scotacione in eodem placito firmauerunt et quilibet eorum dimisit alterum pro omni alloqucione predicte hereditatis vlteriori quitum, liberum et penitus excusatum, hoc prefato, quod domus et terra, in quibus prefatus Hemmingus pronunc habitat, adhuc......maneant indiuise. In cuius rei testimonium sigilla nostra presentibus sunt appensa. Datum........loco......dictis.