SDHK-nr: 6037

In nomine Domini amen. Ego Ragnildis Hinzadottir, licet corpore debilis, mente tamen et racione sana, volens saluti anime mee salubriter prouidere, testamentum meum condo, ordino et dispono in hunc modum: in primis lego conuentui sanctimonialium in Sko, apud quas eligo sepulturam, dimidiam marcham terre in villa Høkistæ, parochia Baldinsta, domine abbatisse vnum annulum, priorisse vehiculum cum vrsina pelle et siila, subpriorisse vnum annulum, domine Cristine Johannis pelles mardelinas pro mantello, sorori sue domine Ingiborgi vnum mantellum blauium, langlakan, domine Walborgi pellicium mardalinum, domine Lucie vnum annulum, domine Ingridi vnum annulum, domine Cristine Øþini vnum antiqum tapetum, domine Ingeborgi Olaui vnum annulum, domine Elizabeth vnum tapetum antiqum cum cussino et cultello, pro dominabus infirmis vnam culcedram cum cussino et ceruicali, domine Birgitte de Sakastum vnam crucem auream, domine Elene, domini Gislonis filie, vnum librum, domicelle Margarete vnum par vestimentorum, vidilicet mantellum cum foratura, tunicam cum collobio cum ærmaspennilsse, duo strik, ymaginem beate virginis in tabernaculo argenteo, een kapolaad cum scrinio, domicelle Ingigerdi, filie domini Gregorii, vnum muskushws de argento, fratri Olauo, priori Sictunie, vnum coclear argenteum, fratribus ibidem iiii cussinos, fratri meo dilecto Laurencio vnum coclear argenteum, predicatoribus in Stokholmis vnum frustum, dictum pæld, fratribus minoribus Vpsalie eet par skarlakan, domino Erico, scolastico Vpsalensi, vnam culcedram, domino Jacobo in Løstum vnum vas argenteum, domino Johanni, Confessori meo, vnam marcham denariorum, domino Michaeli marcham denariorum, Ingemundo quinque vlnas kørtist pro kapa, Cecilie in Appaldhum vnum mantellum blauium, sorori sue Elene tunicam cum capucio, Ragborgi, puelle mee, mantellum cum tunica. Quod si quid de rebus meis non dispositis residuum fuerit, peto vt vendatur, ita vt quelibet domina consecrata vnam oram et quelibet soror, non consecrata, dimidiam habeat oram denariorum. In cuius facti testimonium sigilla discretorum virorum, domini Michaelis et domini Johannis, dilecti confessoris mei, presentibus peto apponi, quia proprium non habeo sigillum. Datum anno Domini m°ccc°l° in profesto natiuitatis beate virginis.