SDHK-nr: 3752

Omnibus presens scriptum cernentibus, jngo kætilbiornason salutem in domino sempiternam, Presentibus et posteris constare volo euidenter, me cum nobili domina et discreta domina jngride abbatissa sanctimonialium wretis totoque conuentu ibidem bonorum fecisse concambium in hunc modum videlicet quod predictis abbatisse et conuentui quinque attongos cum dimidio duodecima parte minus in byursby sitos cum molendinis et ceteris aliis suis adiacenciis procul vel prope positis, et vnum dimidium attongum in thægnaby cum suis adiacenciis quibuscumque totaliter reliqueram, omne jus proprietatis jn prenominatis bonis ad me spectans a me et meis heredibus jn eandem abbatissam penitus transferens et conuentum, Recipiens ab eis, omnia bona ad earum claustrum spectancia in eneby in parochia næsia sita cum omnibus suis adiacenciis, vnum attongum in kidhauadhi, vnum dimidium attongum in barastadhum vnum attongum in wæstløso, et vnum attongum in karathorp, cum singulorum adiacenciis vniuersis, jure proprietatis earum circa predicta bona ab eis ad me et heredes meos irreuocabiliter deuoluto, quam quidem commutacionem tam stabiliter et racionabiliter feceram vt nulla coartacione uel conamine ad resumpcionem denuo faciendam, seu qualibet alia impeticione ex parte mea uel illarum in perpetuum infringatur, Jn cuius testimonium et euidenciam firmiorem presentes sigillis, venerabilis patris domini k[aroli] episcopi lincopensis, nobilium militum dominorum, kanuti jonson dapiferi illustris regis swecie et noruegie, philippi vlphonis, kanuti folkonis, vlphonis aberni, domini haraldi prepositi lincopensis, et capituli ibidem, petri jonson ærneli fratris mei, et rangualdi ciuis lincopensis, vna meum proprium appendens postulo roborari, Datum wretis anno domini M° CCC° XXX° jn crastino beatorum apostolorum simonis et jude.