SDHK-nr: 3525

N [d.v.s.: In] nomine domini amen, Cum inter transitoria nichil sit cercius morte, nichilque hora mortis incercius, Jgitur, ego Jadwardus philippusson, sanus mente, licet corpore debilis, Hanc horam horendam, operibus misericordie preuenire cupiens, ob refrigerium anime mee, testamentum meum condo et ordino, in hunc modum, Jn primis lego fatribus predicatoribus sictunie, vbi mei corporis eligo sepulturam, quatraginta marchas denariorum, ecclesie vpsalensi, V, marchas denar., minoribus ibidem, I, marcham denar., domui sancti spiritus ibidem vnam marcham denar., monasterio dominarum in sko. vnam marcham, ecclesie sancti nicolai stokholmis vnam marcham, minoribus ibidem vnam marcham, clarissis ibidem ad edificium ecclesie duas marchas, ecclesie sancti jacobi ibidem et sacerdoti, vnam marcham dimidiam cuilibet, domui sancti spiritus ibidem vnam marcham, Jtem ecclesiis in quibus bona possideo, videlicet solnø, danarø, tæby, vadha, frøsunde et skeptunum, cuilibet dimidiam marcham denar. et tantum sacerdotibus ibidem, Jtem ad mensam curati in vadhum, quatuor oras terre cum dimidia in villa ridhum, parochia frøsunde, Tali condicione, quod quicumque fuerit super suam animam sit astrictus, ad dicendum semel vigilias et missam animarum, pro anima mea et parentum meorum, perpetuo singulis septimanis, Jtem dilecto fratri meo fratri petro philippi, lego ,XI, solidos in villa tunum, parochia frøsunde, tali condicione, quod si infra annum a tempore obitus mei, ab heredibus meis redempta(!) non fuerint, extunc cuicumque placuerit, vendendi, et distraendi, liberam habeat facultatem, Jtem karissimo nepoti meo domino gregorio magnusson, dimidiam marcham terre, in villa ostistum, parochia skeptunum, vltra sortem, sibi suisque heredibus possidendam, Jtem Sorori mee, domine Helene in sko, decem marchas denar., domicelle margarete ibidem quinque marchas denar., fratri kanuto, quinque marchas denar., Jtem fratri sixtano patri meo spirituali, quinque marchas denar., Jtem puero meo ysaac qui fideliter michi seruiuerat, vnum equm de XX:ti marchis, Jtem erico ioanson XX:ti, marchas denar. Jtem iacobo puero, X, marchas, et vnam tunicam de panno gyenst, Similiter erio(!) niklisson, et brauido, Jtem birgero balaramson, quatuor marchas denar., siue vnum equm de tanto precio, et vnam tunicam de næflist, Ad solucionem igitur testamenti pretaxati, ac debitorum meorum quorumcumque post me inuentorum, testimonio autentico, seu meo proprio sub sigillo, curiam in lydhingø, cum omnibus attinenciis tam mobilibus quam inmobilibus, committo exequtoribus meis ex integro, sine omni diuisione, ut ipsi super predicta bona, plenam habeant potestatem, in omnibus ordinandi, donec omnia tam per me legata, quam debita post me inuenta, integraliter fuerint persoluta, Exequtores autem meos, eligo et instituo, Sororem meam. dominam Jngigerdim, dominum Gregorium magnusson, fratrem meum, fratrem petrum, et benedictum sighurdhason, Quos rogo, ut in omnibus premissis, voluntatem meam faciant, prout coram deo voluerint respondere, Jn robur autem premissorum, et firmitatem ampliorem, sigilla exequtorum meorum predictorum, et sigilla, heredum meorum omnium, videlicet, domini karuli orestason, domine cristine neptis neptis(!) mee, eskilli andrisson, karuli dansson, karuli magnusson, et iohannis magnusson, vna cum sigillo meo presentibus sunt appensa, Actum et datum, sictunie, presentibus, dominis Gregorio magnusson, karulo orestason militibus, eskillo andrisson, benedicto sighurdason, armigeris, ét fratre bernardo priore, cum fratre sixtano, anno domini M° CCC° vicesimo Octauo, feria tercia proxima, ante cineres.