SDHK-nr: 4044

Omnibus presens scriptum cernentibus, Karolus Tukason, salutem in domino sempiternam, Notum sit omnibus euidenter, quod dilectam consortem meam Rangfridem vt moris patrie legum fuerat et est decere [d.v.s.: dotare] volens racione votis [d.v.s.: dotis] dicte Morgongæff, sibi bona mea Bierg, et Jngyeletorp*), cum omnibus adiacencijs, videlicet molendinis, colonijs, agris, pratis, siluis, piscarijs, propinquis et remotis, infra sepes et extra positis, nullis penitus exceptis, in die nupciarum mearum confero in his scriptis condicione tali presupposita, quod liberi nostri matrimoniali hereditario eadem predia possidebunt, si autem ipsam prius mori contigerit, me superuiuente liberis nostris procreatis predicta bona ad me et meos heredes redeant sine solucione qualibet perpetualiter possidenda. Si autem conuerso me mori ipsam [d.v.s.: ipsa] superuiuente contingat, liberis nostris non progenitis eidem suisque heredibus sepedicta bona in perpetuam possessionem succedant pacifice, et libere ordinanda. Jn cuius recognicionis et donacionis testimonium, sigilla nobilium, videlicet domini Gregorii Magnusson, et domini Eringislonis Jonsson Gøstaui Arwidsson, Vlphonis Hakonsson, Johannis Benedictsson, Marquardi de Kyrnææ, vna cum proprio, presentibus sunt appensa. Datum et actum Stocholmis, Anno domini. M. CCC. XXX. quarto, secunda feria proxima post dominicam quasi modo geniti.