SDHK-nr: 3901

Vniuersis presentes litteras inspecturis Katerina filia æringisli plato salutem in domino sempiternam Notum facio vniuersis quod die qua intraui ad sorores skæningie et habitum earundem recepi. eisdem contuli dimidietatem patrimonii mei in lidhaholt cum agris pratis siluis et piscarijs infra sepes et extra et cum dimidietate bonorum mobilium et immobilium domorum et vtensilium sine inpeticione et calumpnia cuiuslibet pro dote mea iure perpetuo possidenda,, et reliquam dimidietatem eorundem bonorum mihi pro vsibus meis necessarijs ad finem vite mee teneo et reseruo,, ut autem predicta donacio firma sit et stabilis sigillum domini kanuti folkason nec non et cognatorum meorum hemmingi æringislæson” hemmingi anundason,, byrgheri ionsson,, iohannis mørskæ thoriri andresson nec non et Nicholai hempikæson aduocati skæningensis ad peticionem meam presentibus sunt appensa Datum et actum Anno domini M° CCC° XXX secundo Jn die professionis mee videlicet in die beati Jacobi apostoli.