SDHK-nr: 7801

Omnibus presens scriptum cernentibus Magnus Alguzson canonicus Scarensis salutem in Domino sempiternam / (1-) Quoniam, vt ait apostolus, omnes stabimus ante tribunal Dei recepturi quidquid in corpore gessimus, siue bonum fuerit siue malum, oportet nos diem messionis extreme . misericordie operibus preuenire, ac eternorum intuitu seminare debeamus(a) in terris quod reddente Domino cum multiplicato(b) fructu recolligere debeamus in celis.(-1) Jdcirco pia ductus intencione curiam meam in Lekkyu(c) dictam Aggæboo(d) cum omnibus eiusdem(e) adiacenciis infra sepes et extra, prope uel remote positis, quibuscumque nominibus censeantur, ecclesie beate Virginis Scarensi ad mensam tamen episcopi confero et ad manus venerabilis patris, domini Nicholai(f) , nunc episcopi Scarensis / presentibus dominis Karolo(g) decano et(h) Daghero(i) canonico Scarensibus . et presente eciam et consenciente Haquino Alguzson(j) , fratre meo dilecto, omnium legum plenitudine nunc assigno . nullo vmquam adinuencionis ingenio reuocandam. (2-) Jtem, quia non dimittitur peccatum, nisi restituatur (k ) ablatum(-2) . jn refusionem fundi presbiteralis in Sunderby. quem bone memorie Algotus Magnusson, pater meus dilectus, siue mandato siue tolerancia diruj fecerat (1-) et comburi(-1) . coloniam meam in Sunderby, quam quidam Anundus Skewer nunc inhabitat, ecclesie in Synætu(m) confero . similiter et assigno(n) . Jn quarum collacionum, assignacionum et consensus testimonium sigillum meum vna cum sigillis domini Magni Stvru°, generi mei, et fratris mei Haquini Alguzson(p) , qui premittitur, presentibus est appensum. Datum in curia Skylmuthorp (q ) parokye Øøsby anno Domini M° ccc° sexagesimo sabbato infra octauas apostolorum Petri et Pauli.