SDHK-nr: 789

Jn nomine patris & filij & spiritus sanctj Amen. Ego margareta petri quondam filia sciens morte nichil esse cercius nichilque incertius hora mortis Nescit enim homo finem suum. ut dicit sapiens sed plerumque cum dixerint pax & securitas tunc aliquibus intestatis superuenire solet interitus repentinus. Hec inquam & alia multa considerans anime mee saluti uolens consulere tempestiue ad uoluntatem mariti mei condidi testamentum. Jn quo cum eiusdem consensu predium suum in moraby cum marca argenti claustro gudem delegaui. & in remissionem peccatorum meorum cuilibet claustro uidelicet varnhem. claustris fratrum maiorum & minorum scaris. & claustro lydosiensi marcam puri argenti delegaui. Sed ne predictis claustris super hac mea donatione possit aliqua calumpnia suboriri presentem huius testamenti cartulam mei secreti. & mariti mei sigilli munimine duxi roborandam. Contestans singulos & uniuersos sub suarum periculo animarum. ne quod a me legittime est donatum aliquis quasi sub alicuius allegationis pretextu audeat reuocare. Acta sunt hec Anno domini. M°. CC°.LX°.