SDHK-nr: 4156

Omnibus presentes litteras inspecturis Magnus dei gracia rex svechie et norwegie salutem in domino sempiternam. Notum facimus vniuersis quod anno domini Millesimo trecentesimo trecesimo quinto die beati erici regis et martyris stocholmis constituti de consilio vnanimi et consensu dilectorum consiliariorum nostrorum dilectum et fidelem nostrum dominum nicolaum abyornnæson in nostrum dapiferum duximus eligendum,, Dantes et concedentes eidem plenam potestatem castra nostra municiones exactiones bona Judicia et alias causas quascumque vbicumque cum consilio nostro prout expedire videbitur. libere ordinandi,, Ac bona fide stabiliter promittentes eundem et heredes suos pro omnibus expensis et debitis. que sub certo computo docere poterit. se racione dicti officii contrahere. per nos seu heredes nostros indempnes debere penitus conseruari. Jpsumque et fauctores suos ab omnibus inimiciciis et controuersiis quibuscumque. quas racione mandati nostri seu iuris incurrent eripi, ac omnimode liberari,, Jnsuper nos euffemia eriksdotter, kanutus Joonsson quondam dapifer. kanutus magnusson wesgocie legifer. laurencius vlffsson, Gøsztauus tunæson. suno joonsson. Gregorius magnusson. Gyslo elinæson karolus neskunungsson vlfo abyornsson. kanutus folkæson karolus bendicsson. karolus tukæson Anundus sturæ vlpho philippusson, karolus orestæson vlfo gudmarsson haraldus stubbe thyrgillus clæmitsson Gøzstauus niclisson et jngo kætilbyornæson milites. haquinus mattysson marscalcus. petrus Joonsson et siggo magusson armigeri. bona fide promittendo. nos astringimus ad astandum et subueniendum eidem domino nicolao auxilio consilio vita ac toto posse nostro et conamine. jn omnibus et singulis que juris sunt, et que commodum et honorem. Jpsius domini nostri regis regni et jpsius domini nicolai tangere dinoscuntur. Jn cuius euidenciam sigilla nostra presentibus sunt appensa. Datum Anno die et loco supradictis.