SDHK-nr: 7158

Omnibus presens scriptum cernentibus Ingo de Lundby ac consors sua Ingegerdis . salutem in salutis auctore Ihesu Christo. [.] Quoniam ea que inter homines aguntur de facili relabuntur nisi litterarum testimonio confirmentur /,/ ac eciam terrena quelibet adnichilantur preter sola beneficia ob reuerenciam et amorem Dei diuinitus elargita [,] quapropter(a) huiusmodi caucione ducti . corpore et mente incolumes . salutem animarum nostrarum nichilominus considerantes intuitu Dei / et racione testamenti [,] predium nostrum in quo resederamus videlicet quartam partam vnius attungi in Lundby / ecclesie Risinge legasse et racionabiliter dimisisse [,] ac eciam aliam quartam partem eadem villa et eodem agro sitam iuxta illam quartam partem attungi [,] quam dedit Margareta soror dilecte consortis mee Ingegerdis eidem(b) ecclesie in magna mortalitate [,] vero vendicionis titulo pro viginti marchis denariorum predicte ecclesie Risinge dimisisse perpetuis temporibus duraturo [,] Huius autem rei testes et affirmarii(l) affuerunt dicti fastæ [,] scilicet Laurencius Ingemundason . Holmstanus in Algutstadhum [,] Nicholaus de Grozsthorp . Suno et Nicholaus de Illughathorp . Nicholaus in Ringuidathorp . Olauus Haralson, Anundus . Bero de Lundby [,] Ingeualdus . Drenge [,] Ericus de Østby /./ Ita quod tam michi quam heredibus meis quibuscumque eandem donacionem et vendicionem infringere seu aliquatenus infestare omnis facultas et occasio sit Subtracta . quoniam beneuolencia et conssensus heredis illius predij racionabiliter ad id accessit [,] ac eciam heredes nostri eandem terram inhabitare et excolere quamdiu ecclesie premisse satisfecerint de redditibus (c-) mutuo sumptis(-c) liberam habeant facultatem [.] In cuius donacionis et vendicionis testimonium sigilla discretorum virorum [,] videlicet domini Iohannis curati ibidem necnon Laurencij Ingemundason [,] Rangualdi Niclison cum proprium sigillum non habeo postulo presentibus hiis appendi [.] Scriptum anno Domini M°ccc°l:mo vij in Annunciacione beate Marie virginis gloriose