SDHK-nr: 3597

Omnibus presens scriptum cernentibus. Johannes curatus ecclesie in biærgh salutem in domino. Nouerint vniuersi me permutacionem prediorum cum venerabili patre domino styrberno dei gracia episcopo strengenensi fecisse in hunc modum. videlicet quod pro quatuor solidis terre in villa hættinge, parochia graffwu cum omnibus et singulis eorum pertinenciis. agris. pratis. pascuis. siluis. molendinis. molendinorum locis. et aliis quibuscumque dependenciis quomodolibet nominatis. infra sepes et extra. prope proculue positis. nullo prorsus excepto. eidem domino strengenensi predia mea in bæræsund parrochia biærghæ. quatuor solidos terre. cum omnibus et singulis eorum pertinenciis. nullo prorsus ut prefertur excepto. quauis legum sollempnitate seruata. per prolocutores reuerendum uirum dominum karolum, canonicum strengenensem. et ffolkonem eriksson. firmarios uero. mathiam de vamolsø. laurencium in thækhamar. andream et thorstanum tutores ecclesie. Anundum mathiam in tomthum. runuidum in huli. lifstanum in økne. haldanum in thorp. trugerum. ericum. ranguastum. in nyiænæs per eum eiusque heredes pleno proprietatis jure perpetuo possidendos permutacionis titulo dimitto penitus et assigno. per me seu meos heredes aliqua causa nullomodo inposterum reuocandos Datum sub sigillo meo Anno domini M° CCC°. XX°. nono die beati sigfridi episcopi et confessoris.