SDHK-nr: 6645

(2-)Innocencius episcopus seruorum seruus Dei(-2) vniuersis Christi fidelibus presentes litteras inspecturis salutem (3-)et apostolicam benedictionem(-3). Splendor paterne glorie, qui sua mundum illuminat ineffabili claritate, pia vota fidelium de clementissima ipsius maiestate sperancium tunc precipue benigno(4) fauore prosequitur, cum deuota ipsorum humilitas sanctorum (5-)precibus et meritis(-5) adiuuatur. Cupientes igitur, vt ecclesia Aboensis congruis fauoribus(6) frequentetur et vt Christi fideles eo libencius causa deuocionis confluant ad eandem, quo vberius dono celestis gracie conspexerint se refectos, de omnipotentis Dei misericordia et beatorum Petri et Pauli, apostolorum eius, auctoritate confisi, omnibus vere penitentibus et confessis, qui in natiuitatis, epiphanie(7), cene, resurrectionis et ascensionis Domini, penthecostes(8) ac in quatuor principalibus beate Marie Virginis, natiuitatis beati Johannis Baptiste, sancti Hendrici(9) martiris, cuius (10-)ipsa ecclesia est(-10) vocabulo insignita, festiuitatibus(11) ac celebritate omnium sanctorum et anniuersariis dedicacionis eiusdem(12) ecclesie prefatam ecclesiam deuote visitauerint annuatim, vnum annum et(13) quadraginta dies de iniunctis eis penitenciis singulis videlicet festiuitatum(14), celebritatis et dedicacionis ipsarum diebus, quibus ecclesiam ipsam visitauerint, vt prefertur, misericorditer relaxamus. Datum Auinione III idus(15) nouembris (2-)pontificatus nostri(-2) anno primo.