SDHK-nr: 2195

Omnibus presens scriptum cernentibus, philippus vlfsson, salutem in domino sempiternam, ne quod veritas approbat .a. posteris trahatur in dubium viuaci solet testimonio litterarum liquido perhennari, Tenore igitur presencium ad communem proferimus nocionem, quod eum dilecto et fideli nostro, petro dicto jvncfrw commutacionem prediorum facimus in hunc modum videlicet quod eidem petro, suis que heredibus, curiam nostram syokarlaby, cum agris, pratis, pascuis, siluis, piscariis, et ceteris pertinenciis, intra sepes, et extra, longe vel prope positis, damus et tradimus, cum pleno proprietatis, et possessionis dominio, iure pleno et perpetuo possidendam, Recipientes nobis, et nostris heredibus, in recompensacionem curie nostre predicte, curiam eiusdem petri, cum omnibus et singulis suis pertinenciis vbicunque locorum situatis, in defwinxø sitam, consimili pleno iure in perpetuum possidendam, ablata nobis, nostrisque heredibus omni facultate, hanc commutacionem vllo vmquam ingenio reuocandi, Jn cuius rei euidenciam, sigilla magnificorum principum, dominorum nostrorum, E. et W. ducum swecie illustrium petiuimus, et optinuimus, vna cum sigillo nostro presentibus apponenda, Datum swinagarn, anno domini. M°. CCC°. VII. feria quarta proxima ante tiburcii et valeriani.