SDHK-nr: 2728

Omnibus presentes litteras inspecturis. Waldemarus dei gracia dux sweorum. salutem in domino sempiternam, Noueritis. quod nos ad monicionem. et consilium reuerendi patris. domini K.[d.v.s.: Karoli] Episcopi lyncopensis. ac discretorum virorum canonicorum. ad nos de ørabro. cum eodem transmissorum dominorum videlicet, beronis vpsalensis. redhari arosiensis. et thoriri skarensis. compromisimus in reuerendos patres Episcopos. Dominos B.[d.v.s.: Bryniulphum] skarensem. K. lyncopensem. et israelem arosiensem, nec non in dominos b. [Benedictum] prepositum skarensem. et redharum canonicum arosiensem. tanquam in veros arbitros super tallijs. vel nouis inposicionibus per nos siue nostros ex mandato nostro, vpsalensi ecclesie. sicut dicitur. irrogatis. promitientes firmiter. stare et obtemperare, ipsorum ordinacioni. pronunciacioni. et mandato. sub pena centum marcharum puri argenti. Ad quam quidem penam parti aduerse arbitrium acceptanti. soluendam. sub ypotheca rerum nostrarum. uos efficaciter obligamus. si arbitrium. et ordinacionem predictorum dominorum noluerimus obseruare. Jn cuius testimonium sigillum nostrum presentibus est appensum. Actum stokholmis. anno domini. M*. CCC°. XVIº. feria. .III:cia. proxima ante palmas.