SDHK-nr: 10073

(a-) Gloria in excelsis Deo . et in terra pax hominibus(b) bone voluntatis (-a ) Carissime domine et predilectissime fili mi . Recepi quandam vestram litteram cum qua habui magnam consolacionem et internam cordis leticiam . quia ex eius tenore(e) michi videtur quod cor vestrum est visitatum(d) visitacione (e-) sancti Spiritus(-e) propter quod honor et graciarum actio ex totis cordis visceribus ei debetur . Jdeo oretis Deum [,] vos et vestri(af) amici spirituales [,] quod ipse augeat et peruigere(f) faciat in (g-) anima vestra(-g) illam sanctam graciam suam . quam in cor vestrum aspirare incepit . Consulendum ergo est vobis vt timorem Dei semper fixum habeatis in corde . // et habeatis talem semper ymaginacionem in mente quod labores vestros (h-) quos sustinebitis in isto vestro officio quod(-h) offertis eos Deo . et quod wltis pocius in hoc laborare pro Christo summo pontifice qui in celis est quam pro isto papa . nec pro aliquo alio temporali . desiderando pocius Dei amiciciam quam omnia munera et temporales retribuciones quas (i-) posset vobis(-i) papa retribuere pro laboris vestri mercede . // Et continue attendatis ad illam scripturam(k) quam vobis prius transmisi . vt ea que ibi continentur mente possitis jugiter retinere . et operibus cum effectu ea veraciter adimplere /Preterea ego indigna persona vobis consulo vt si papa ad Ytaliam venerit stetis omnino firmiter in ipso officio vobis comisso(1) . ad hoc vt ipse dominus papa a vobis fideliter possit juuari in seruicio Dei in ipso officio . ne aliquis alius intraret in eo qui esset lupus rapax(m) a quo Deus vel offenderetur vel non ita fideliter et deuote in eodem officio seruiretur // Si autem papa non venerit ad Ytaliam consulo quod eciam stetis in eodem officio vestro per vnum integrum annum . sperando a gracia Dei vos aliquod certum consilium salutare omnimode habiturum qualiter oporteat vos facere de statu vestro . // Ad illud autem quod me rogastis per vestram litteram quod vobis mitterem aliquam oracionem deuotam . respondeo me esse ad talia insufficientem . et eciam propter temporis breuitatem . quia parata sum jam meum iter arripere(n) ad Neapolim . // Si autem Deo placebit quod in Neapoli(o) aliquam moram faciam tunc aliquam oracionem vobis scribam diuina gracia dispensante . (1-) Consulo(p) tamen quod nullam oracionem libencius legatis(ag) quam Pater noster . que oracio ab illo ore precioso Jesu Christi fuit nobis(q) caritatiue et diuinitus ministrata(-1) . licet alle oraciones sint aliquando vtiles ad excitandum aliquam deuocionem in corde(r) // Vnam tamen breuem oracionem nunc vobis transmitto . quam libenter legatis cum humili reuerencia et maxima deuocione . et specialiter dum corpus Christi in altari extiterit consecratum / Oracio autem est ista (s-) que sequitur(-s) /(t) O Domine mi [,] Deus meus [,] Creator meus et Redemptor meus [,] ego indignus pecca-tor supplico tibi per illud magnum et admirabile opus misericordie tue quod panem in verum corpus tuum . et vinum cum aqua in tuum sanguinem conuertisti ad nostram eternam et salu-berrimam refeccionem . conuerte voluntatem meam totaliter ad omnem voluntatem tuam jta quod omnia tibi placita (u-) in tota vita mea semper(-u) exequi valeam mente verbo et opere cum effectu . Amen(v) :/Jtem dilectissime fili mi . rogastis(x) me per vestram litteram quod in totum et per totum vos in filium reciperem spiritualem . Ad quod respondeo . quod sicut ego (y-) mecum duco(-y) duos filios meos et filiam . sic recipio(z) vos in filium . et omnino vos continue ducam quocumque perrexero intus(aa) vt filium inclusum in corde meo . vt vos sitis particeps(ab) indigne oracionis et peregrinacionis mee . de qua peregrinacione seu viagio vltramarino intendo redire quamcicius comode potero . et cum rediero statim notificabo vobis aduentum meum // Filii mei et confessor(2) ac(ac) filia se vobis humiliter recommendant . Orate pro nobis [,] fili mi [,] et con-fortemini in meditacione passionis Christi . et in doloribus sue(ad) tunc mestissime matris(ae) .