SDHK-nr: 2733

Vniuersis presentes litteras inspecturis, Magister Andreas prepositus ecclesie vpsalensis salutem in domino sempiternam, Vniuersitati vestre notum facio per presentes quod insulam meam vpsalie eum edificiis omnibus et officinis ibidem et in ampne prope positis, necnon et predia infrascripta per me conquisita videlicet in sæwium tres marchas cum quinque solidis terre, cum vno vrfiel cogganes et molendino ibidem quem tamen vrfiel cum molendino et prato inter stagnum et fossatum michi retineo ad dies meos, Jn nanætunum duas marchas cum quatuordecim solidis terre, volens vt ad tenendum anniuersarium karoli gregorisson quondam generi mei chorales in insula annis singulis sint astricti, Jtem quoddam opidum dictum kwernæbøle in parochia ladhuby computatum pro octo solidis terre, quinque denariis, minus cum molendino ibidem, Jtem in gutasunde, duas oras terre, et in villa huwi parochia resbohundæri quatuordecim oras terre, Ecclesie vpsalensi. dono, approprio et assigno, iure dominii in perpetuum possidenda, cum omnibus suis attinenciis, fundis domibus, agris, pratis, siluis, pascuis, piscariis et ceteris quibuscumque. Premissa omnia et singula ex nunc ordinacioni. Reuerendi patris domini vpsalensis, et honorabilium virorum dominorum Capituli ecclesie eiusdem relinquens, ita tamen, vt ipsi bona eadem disponant ad vsus choralium sepedicte ecclesie, in prefata insula communiter viuere volencium prout anime mee saluti, ac eorundem conuictui nouerint expedire, vt autem hec mea donacio legibus patrie confortetur et futuris temporibus robur optineat firmitatis eandem personaliter vpsalie puplicaui in Ecclesia vpsalensi, presentibus quamplurimis fidedignis, in quinta feria ebdomade pentecostes. Testes eciam seu firmarios wlgariter dictos faster ad hoc specialiter vocari et nominari feci infrascriptos videlicet. Beronem ingulfson. Andream Jonsson. Siggonem ingimarson, Johannem dyakn, Petrum sighridæson, Laurencium bliduson Johannem dyst, nicholaum in vggæstum, Jacobum in grytum, Petrum olafson. Gudvastum in gestrikæland, siggonem erikson. Laurencium gunnarson, Laurencium haralson. Johannem in forsum, Petrum de sætunum, Johannem thomasson. Haluardum in aby. Petrum in vilingy, Htiluastum in nyæby, Magistrum thydemanum. Thyegnerum, Johannem pauelsmagh, et thomam pictorem. Jn premissorum igitur robur et euidenciam pleniorem sigillum meum. vna cum sigillis discretorum aliquorum testium prescriptorum videlicet. beronis ingulfson. Andree ionson, petri, olafson et magistri thydemanni, presentibus est appensum. Actum et datum. Anno domini. M°. CCC°. XVIº. loco et die supradictis.