SDHK-nr: 2734

Jn nomine domini Amen Anno eiusdem Millesimo Trecentesimo sextodecimo, Saluator noster paratos nos inuenire desiderans hortatur vigilare dicens Nescitis diem neque horam, Jnopinatusque euentus et inprouisa multorum ex hac luce subtraccio plurimos sepe fefellerat et salubria proposita relinqui fecerat inperfecta, Hac consideracione ductus Ego Magister Andreas prepositus ecclesie vpsalensis, sanus mente et corpore Jntendens anime mee salubriter prouidere, de bonis mihi a deo concessis testamentum meum condo, facio et ordino causa mee voluntatis extreme in hunc modum, Jn primis enim volo et expresse precipio debita mea persolui et forefacta si que apparuerint plenius emendari, ad quorum solucionem seu emendacionem plenariam deputo et obligo libros meos, Deinde vero pie matri mee ecclesie vpsalensi, de qua plurima beneficia me percepisse recognosco et apud quam eligo sepeliri, videlicet in cappella sancti Nicholai lego et assigno infrascripta bona et predia per me coriquisita, Primo insulam meam vpsalie cum edificiis omnibus et officinis ibidem et in ampne prope positis Jn sæwium tres marchas, cum quinque solidis terre, cum vno vrfiel coggænes et molendino ibidem, quem tamen vrfiel cum molendino et prato inter stagnum et fossatum michi retineo ad dies meos Jn nanætunum, duas marchas, cum quatuordecim solidis terre, volens vt ad celebrandum anniuersarium karoli gregorisson olim generi mei chorales societatis in insula annis singulis sint astricti Jtem quoddam opidum dictum kwernæbøle in parochia laudhuby computatum pro octo solidis terre quinque denariis minus cum molendino ibidem Jtem in gutæsunde duas oras terre et in villa huwi parochia resbohunderi quatuordecim oras terre cum omnibus suis attinenciis fundis, domibus, agris, pratis siluis, pascuis, piscariis et ceteris quibuscumque, Premissa autem omnia et singula exnunc in dominium et possessionem ecclesie vpsalensis predicte transfero pleno iure relinquens eadem ordinacioni Reuerendi patris domini vpsalensis et honorabilium virorum dominorum Capituli ecclesie eiusdem, Jta tamen vt ipsi bona eadem disponant, ad usus choralium sepedicte ecclesie in prefata insula communiniter viuere volencium, prout anime mee saluti ac eorundem conuictui nouerint expedire. Heredem autem meum instituo dominam Ranghurgim neptem meam in bonis meis patrimonialibus sibi iam deputatis ac eciam per nobilem virum dominum arnwidum gøzstafson maritum suum et ipsam acceptatis, Sed vt premissa omnia et singula exequcioni debite demandentur, Exequtores huius mei testamenti constituo Reuerendos patres Dominos vpsalensem, qui nunc est et suos successores qui pro tempore fuerint, et dominum fratrem Jsraelem Arosiensem Episcopum, necnon nobiles viros dominos. Byrgerum pæterson consobrinum meum quandoque vplandiarum legiferum et arnwidum gøzstafson generum meum prenotatum vna cum domino berone de tyllingi Canonico vpsalensi, qui si omnes hiis exequendis interesse non poterint seu noluerint, tres uel duo ipsorum nichilominus predicta omnia efficaciter exequantur, Vt autem hec mea ordinacio seu legacio, facta causa mee vltime voluntatis perpetuis temporibus conseruetur, eandem personaliter in Ecclesia vpsalensi, puplicaui in quinta feria ebdomade pentecostes coram testibus seu firmariis wlgariter dictis faster infrascriptis ad hoc specialiter vocatis et rogatis, videlicet, Berone ingulfson, Andrea Jonsson, Siggone Jngimarson, Johanne dicto dyakn, Petro sighridæson, Laurencio blidhuson, Johanne dyst, Nicholao in vggæstum, Jacobo in grytum, Petro olafson, Guduasto in gestrikælandh, Siggone erikson. Laurencio gunnarson, Laurencio haralson, Johanne in forsum, Petro de sætunum Johanne thomasson, haluardo in aby, Petro in vilingy, holmuasto in nyæby, Magistro thydemanno, Thyegnero, Johanne pauelsmagh et thoma pictore. Jn presmissorum igitur robur et euidenciam pleniorem Sigillum meuni vna cum sigillis discretorum virorum, aliquorum testium prescriptorum, videlicet, Beronis ingulfson, Andree Jonsson, Petri olafson et Magistri Thydemanni presentibus est appensum. Actum et datum, Anno, Loco, et die supradictis.