SDHK-nr: 2294

Omnibus presens scriptum cernentibus, Bryniulphus dei gracia scarensis Episcopus, Salutem in domino sempiternam, Quia redditus et prouentus prepositure scarensis longis retroactis temporibus, adeo diminutj et attenuatj sunt paulatim, quod prepositus qui pro tempore fuerit secundum decenciam status sui sine reddituum reintegracione honeste non poterit se tenere, Nos diminucionem prouentuum huiusmodi sicut iuri satis est consonum, modo quo possumus supplere volentes, de consilio et assensu capituli nostri, Ecclesiam jn etlæskogh, parochianis eiusdem ecclesie consencientibus, dicte prepositure vnimus et annectimus pleno iure, Assignata vicario perpetuo quem ibidem jnstituimus, tam de redditibus prepositure quam ecclesie, predictarum, congrua et sufficientj porcione, sicut in litteris nostris super hoc specialiter confectis, expresse continetur, Ne igitur super annexione seu vnione predicta, aliqua possit jn posterum dubietas suborirj, sigillum nostrum et sigillum capituli nostri presentibus sunt appensa ad euidenciam pleniorem. Datum høgnæthorp. anno domini. M°. CCC°. Nono, secunda die synodi.