SDHK-nr: 6863

Omnibus presens scriptum cernentibus Johannes Algutzson, Dagherus de hospitali Lodhosie, Nicholaus de Husaby, canonici Skarenses, Petrus curatus ecclesie Thinguallensis, Haraldus Thorgersson, Hæmmingus Hæmingson, Brynniolphus de Edhe et Ioarus de Rudhi salutem in Domino sempiternam. Quorum interest vel interesse poterit, tenore presencium verbo veritatis protestamur nos Conuencioni facte per discretos viros, exhibitorem presencium Beronem Dyekn ex vna parte et Andorum Pætersson ex altera parte, interfuisse super quodam concambio bonorum infrascriptorum. Ita videlicet habita deliberacione diligenti amicorum et cognatorum vtriusque partis idem Andorus dicto Beroni curiam suam integram Amoth in parochia Eedha sitam cum omnibus suis adiacenciis, siluis, agris, pratis et piscariis quibuslibet, infra sepes et extra, prope vel remote positis, nullis penitus exceptis, cum molendino et molendinorum locis et dimidietate predii Mylnuthorp iuxta leges Vermillandie legittima skotacione facta presentibus plurimis fidedignis hastam skotacionis tenentibus, videlicet Ioaro Sigbiornsson, Haraldo Thorgersson, Gregorio de Skællærby, Gerlauo de Olouoby, Thorgero de Viik, Elauo de Borghabøle, Thorero de Viik, Tholuone de Flydhubøle, Bassa de Kiærtasætre et Daghero de Graffaass et fere tota communitate Jusedzherad, pro bonis infrascriptis, videlicet curia in Auarsbøl pensionis vj cophinorum cum molendino ibidem eciam sex cophinorum, parte curie in Hamar v cophinorum, parte in Aslaksrudh iiij cophinorum, parte in Nore pensionis iij cophinorum, superadditis viginti marchis denariorum ac viij vlnis lati bryggist consorti sue datis pro beneuolencia et consensu eorundem, presentibus viris prouidis Thorgero de Viik ac omnibus prius nominatis in Aruikum, ad manus assignauit, transferens quilibet eorum in alterum plenum proprietatis ius et possessionis dominium predictam curiam ac bona premissa possidendi, alienandi et libere ad vsus suos ordinandi, adinuencione fraudis seu doli postposita ab impedicione et alloqucione quorumcunque presencium vel futurorum. In cuius facti euidenciam sigilla nostra presentibus sunt appensa. Datum apud ecclesiam Aruika anno Domini m° ccc° l quinto in profesto corporis Christi venerabile in Christo patre domino Laurencio, Dei gracia episcopo Skarensi, tunc temporis visitante.