SDHK-nr: 2750

Vniuersis presentes litteras jnspecturis. Kanutus magnusson. Legifer Vesgotorum Salutem jn omnium saluatore Recognosco et notum facio per presentes me cum Venerabili patre et domino. Domino Brynnolpho dei gracia Scarensi episcopo commutacionem quandam prediorum perpetuo valituram fecisse per hunc modum videlicet quod Curiam meam Ryttieraas in bareneherad sitam cum agris pratis siluis et omnibus aliis suis attinenciis jntra sepes et extra prope et alonge positis et coloniam meam jn landwm jn aswherad quam habui de mäghini dicto harwm cum omnibus suis pertinenciis que soluet annis singulis duas marchas. eidem domino scarensi et successoribus suis qui pro tempore fuerint dedi scotacione legittima subsecuta. Dictus vero dominus scarensis Curiam suam sandem jn vasbo sitam. quam habuit de domino Johanne Curato jn frøsberg cum omnibus suis attinenciis jntra sepes et extra pro predictis prediis meis mihi et heredibus meis dedit et scotauit sicut per patentes litteras suas super hoc confectas plene patet Ne igitur super commutacione predicta aliqua possit jn posterum dubietas suboriri. sigillum meum presentibus est appensum Datum et Actum hwsiby Anno domini M°CCC°XVI:mo jn profesto beati Michaelis.