SDHK-nr: 1060
Datering
1278 augusti*Innehåll
Domprosten B. och kapitlet i Skara till ärkebiskop Jakob i Uppsala med uppgift om, att domprosten och kanikerna i Skara, sedan biskop Erik dött den 25/7 1278 och blivit begravd, samlats till val av en ny biskop och som slutdatum för denna process beslutat att sätta den 19/8. Efter att ha tillkallat alla vederbörliga personer och hållit slutna diskussioner, hade man slutligen enats om biskopsval genom fullmäktige och utsett domprosten B., Peter Lagmannason och Nils Algotsson till att välja en av männen Brynolf Algotsson, Bengt Tuvesson, Toste eller magister Nils, kaniker i Skara, till ny biskop i Skara. Efter vederbörligen förrättat val hade man enats om herr Brynolf, kanik i Skara och dekan i Linköping, en på alla sätt lämplig och förtjänt person. Utfärdarna bifogar en avskrift av kaniken Peter Lagmannasons i Skara intyg av 12780820 ang. valet av Brynolf, godtar enhälligt detta val och ber ärkebiskopen att bekräfta det och att viga den valde biskopen, så att han kan tillträda sitt ämbete. Sigillanter är kapitlet, domprosten B., Matteus, Signiatus, Toste, Bengt, Torir, Nils, Lars, Peter Algotsson och Nils Algotsson.
Språk
latin
Källor
- Original: Or. perg. Odat., RA 0101 bilder
Brevtext
Reuerentissimo in christo patri ac domino. Jacobo diuina miseracione vpsalensi archiepiscopo. B. prepositus & capitulum ecclesie skarensis debitam reuerenciam cum promptissimo famulatu. Quia sacris canonibus nouimus esse cautum ut ultra tres menses pontifice proprio Cathedralis non vacet ecclesia ne lupus rapax per defectum pastoris gregem dominicum inuadat. aut in facultatibus suis ecclesia viduata graue dispendium paciatur. Ea propter bone memorie Erico episcopo. Anno domini. M°CC°LXXVIII°. in die beati jacobi sicut domino placuit ab hac luce subtracto & corpore ipsius prout moris est ecclesiastice tradito sepulture. Nos. b. prepositus & canonici skarenses conuenientes in vnum ad eleccionem futuri pontificis canonice celebrandam terminum videlicet diem veneris post octauam beati laurencii duximus statuendum. Citatis igitur interim & tunc presentibus omnibus qui uoluerunt debuerunt & potuerunt commode interesse eleccioni. jn capitulo nostro nos recepimus de eleccione futuri pontificis tractaturi. & post diuersos tractatus inter nos habitos & nominaciones diuersarum personarum simplices & discussiones. & inquisiciones multiplices. placuit nobis omnibus & singulis per viam compromissi ecclesie nostre uiduate prouidere. dedimusque potestatem dominis. B. preposito. petro legifero & nicholao algoti. concanonicis nostris, nostris ut iidem uel maior pars ipsorum vice sua & nostra per eleccionem canonicam uel nominacionem sollempnem seu postulacionem concordem, ecclesie nostre vacanti, prout inter se conuenirent vnum de hiis silicet. brynylpho benedicto tuuonis tustone & Magistro nicholao, concanonicis nostris prouiderent. jta quod unus ipsorum de consensu compromissariorum suorum uel maioris partis ipsorum vice sua & collegarum suorum & nostra, illum in quem conuenirent, eligeret seu postularet & eleccionem seu postulacionem sollempniter in nostra presencia publicaret. Qui secedentes in partem prout nobis postmodum retulerunt requiescerunt super hoc canonicorum consilia singulorum. Quibus auditis & deliberacione inter se diligenter habita in dominum brynulphum concanonicum nostrum & decanum lincopensem omnes vnanimiter conuenerunt. virum vtique plene & mature etatis, utpote qui iam triscesimum etatis annum exegit virumque sufficientis litterature & ydoneum de matrimonio legittimo susceptum. in sacro ordine dyachonatus constitutum, de vita & moribus aput plurimos commendatum, Quem dominus petrus legifer secundum formam in compromisso appositam in hunc modum elegit. Anno domini M°. CC°.LXXVIII°, XIII, kalend. septembris die sabati post assumpcionem beate Marie Ego petrus legifer canonicus scarensis de uoluntate & consensu collegarum meorum. dominorum. B. perpositi & nicholai algoti in quos compromissum fuit a capitulo. sicut est superius prelibatum. & vice mea & ipsorum & omnium aliorum in eleccione ius habencium & hic presencium. quorum subscripciones inferius sunt. & ex potestate mihi tradita & collegis meis inuocata sancti spiritus gracia dominum brynulphum concanonicum nostrum & decanum lincopensem, in quem nos. B. prepositus & nicholaus algoti. & ego petrus legifer conuenimus, in nostrum & ecclesie nostre episcopum eligo & pastorem. & ipsam eleccionem in scriptis factam & sollempniter & in communj puplico. Dictam uero eleccionem sicut canonice & sollempniter celebratam unanimiter recepimus & approbauimus. te deum more solito decantando. Paternitati igitur uestre duximus suplicandum ut eleccionem supradictam dignemini confirmare. & dicto electo nostro munus consecracionis per sacram manuum inposicionem inpertiri vt deo auctore nobis uelut pastor ydoneus & toti dyocesi in hiis que pertinent ad episcopum preesse ualeat & prodesse. Nosque & alii sibi commissi sub eius sacro regimine possimus coram deo salubriter militare vt autem omnium nostrum vota in predictis omnibus & singulis consensisse & in hanc eleccionem & peticionem conuenire noscatis. paternitati uestre hoc canonicum decretum mittimus roboratum propriis manibus & subscripcionibus ad maiorem cautelam sigillo capituli nostri & sigillis propriis sigillatum. Ego. B. prepositus subscribo Ego matheus subscribo Ego Signiatus subscribo. Ego thusto subscribo. Ego benedictus subscribo. Ego thorirus subscribo. Ego Nicholaus subscribo. Ego laurencius subscribo. Ego petrus algoti subscribo. Ego nicholaus algoti subscribo.
Sigill
Sigillen N:o 1, 2, 8, bibehållna, de Öfrige 8 mer och mindre skadade.
Tryckt
- DS 650 se pdf av tryck
Litteratur och kommentar
Se H. Hjärne, Medeltidens statsskick (1895), s. 303-6, och jfr Vita Brynolphi, Nat. Beckman i Arkiv för nordisk fil., 28 (NF 24, 1912), s. 156; H. Schück i VgFT 1983-84, s. 168/Schück, Kyrka och rike ... (2005), s. 133, samt HT 1963, s. 152 not 80. Se även J. Hagberg (red.), Biskopen och törntaggen (2004), och J. Hagberg (red.), Hielp Maria. En bok om biskop Brynolf Gerlaksson (2005), s. 15.
Uppsala-signum.
Senast ändrad
2016-12-02
*Datumkommentar: efter 12780820; dateringen supplerad och ändrad fr. (DS:s) 12780820