SDHK-nr: 1615

Omnibus presentes litteras jnspecturis, Bryniulfus dei gracia scarensis Episcopus, Salutem jn domino sempiternam, Tenore presencium vestre notum facimus vniuersitati, Quod recognoscimus & confitemur nos habuisse et recepisse, ac nobis jntegre datas, solutas, ac numeratas fuisse, nomine Magistri Nicholai oddulphi, quondam Canonici scarensis, Cuius testamenti exequtores sumus, prout ex tenore ipsius testamenti apparet, ex parte capituli & Ecclesie wpsalensis, trescentas marchas denariorum vsualis monete nostre, Quas quidem . CCC. marchas, Dictum Capitulum wpsalense dare seu soluere tenebatur, predicto magistro .N. oddulphi, Racione cuiusdam transactionis, sev amicabilis composicionis, facte sev jnite, jnter dictum Capitulum wpsalense, ex vna parte, & prefatum magistrum .N. oddulphi ex altera occasione quorundam, bonorum, que jdem magister .N. oddulphi, ad se spectare dicebat, iure hereditario per mortem fratris sui Domini Johannis olim archydyaconi wpsalensis, Licet eadem bona Ecclesie wpsalensi contulisse dicebatur, jn sua vltima voluntate, facientes propterea Dicto Capitulo wpsalensi exequtorio nomine, & nostro, ac successorum nostrorum, de consensu tocius capituli nostri, & Ecclesie nostre, necnon & nomine heredum predicti magistri .N. ac omnium & singulorum, quorum jnterest, vel jnteresse poterit, prelibate pecunie quantitatem petere vel exigere, a capitulo memorato, finem, refutacionem & pactum ac quitacionem specialem de vlterius non petendo, & absoluentes, dictum Capitulum, & Ecclesiam wpsalensem, specialiter de debito sev obligacione predictarum . CCC. Marcharum, quas jdem capitulum dicto magistro .N. racione premissa soluere tenebatur, & de omni jure & actione, ac de omnibus ac singulis, ad que dictum Capitulum wpsalense, sepedicto magistro .N. oddulphi, aut heredibus suis, sev nobis aut ecclesie nostre hactenus tenebatur seu teneri poterat nomine & occasione quantitatis pecunie, vel transactionis, aut promissionis, sev obligacionis antedicte, & Recipientes jnsuper jn nos, successores nostros, & Ecclesiam nostram scarensem, omnes expensas, dampna, & jnteresse, que vel quas, dictum capitulum, per nos aut ecclesiam nostram, jncurrerit vel jncurrere poterit, racione dicte transactionis non seruate, sev occasione quantitatis pecunie memorate nobis, nomine dicti Magistri .N. jntegraliter jam solute, & Renunciantes jn hoc pupplice & expresse, nostro, successorum nostrorum, & Ecclesie nostre nomine, omni auxilio iuris Canonici & ciuilis priuilegio fori beneficio restitucionis jnjntegrum, condicione doli Jndebiti, & sine causa, appellacionis remedio litteris apostolicis jnpetratis, seu jnpetrandis, legi dicenti generalem renunciacionem non valere, excepcioni non date, non recepte, non numerate pecunie, & excepcioni, quod dicte pecunie quantitas, non fuerit nobis jntegraliter persoluta, & omnibus alijs quibuscumque excepcionibus per quas nos successores nostros, & Ecclesiam nostram skarensem possemus jnposterum contra predictum Capitulum, racione dictarum, CCC, Marcharum, solucionis, conuencionis, transactionis, sev composicionis amicabilis, nos tueri, Promittentes eciam nostro, successorum nostrorum & Ecclesie nostre nomine, nec & nomine heredum sepedicti magistri .N. oddulphi, stipulacione sollempni, Reuerendo viro magistro andree preposito wpsalensi procuratorj capituli & Ecclesie wpsalensis, transactionem, solucionem, & quitacionem, predictas, & omnia ac singula suprascripta, rata & firma, jnuiolabiliter habere & tenere, & non contra facere vel venire, aliqua racione vel causa, de jure vel de facto, jn cuius rei testimonium, de nostra certa sciencia, & mandato speciali, sigillum nostrum, presentibus est appensum. Eciam nos capitulum eiusdem ecclesie skarensis, transactionem, composicionem & solucionem predictas ratas habemus & ex certa sciencia, jn signum approbacionis, presens scriptum, sigillo nostro, vna cum sigillo Domini Episcopi munimus. Datum Jassungi, Anno Domini M°,CC°,XC quarto, Jn die beatorum martirum, fabiani & sebastiani.