SDHK-nr: 2657

Omnibus presens scriptum cernentibus Brynolphus dei gracia scarensis episcopus salutem in domino sempiternam Notum facimus per presentes quod discretis viris domino benedicto preposito scarensi et lydekino ciui ibidem in presencia nostra personaliter constitutis dictus prepositus locauit ipsi lydekino per decennium curiam suam iuxta modhorbro domibus in statu quo nunc sunt conseruandis cum agris et pratis ex vtraque [parte] ampnis que dicitur drys situatis vna cum medietate pratorum westereng frøleng elikiærsæng et stenhem que prepositure adiacere consueuerant ex antiquo. silua que dicitur nefhøgha et decimis de dictis predijs vsibus et ordinacioni ipsius prepositi reseruatis specialiter et retentis. Pro quibus omnibus dictus lydekinus dabit eidem preposito et eius successoribus sex marchas vsualis monete singulis decem annis ante natiuitatem domini secundum terre consuetudinem soluendas nomine pensionis Hoc adiecto quod si monetam notabiliter meliorari vel deteriorari contigerit due vlne panni gandauensis dicto termino pro marcha qualibet persoluantur Jn cuius rei testimonium sigillum nostrum et sigillum capituli nostri presentibus sunt appensa Datum Hosaby Anno domini M° CCC XV jn die epyphanie domini.