SDHK-nr: 1744

Vniuersis presentes litteras Jnspecturis Laurencius lincopensis, Ysarus strengianensis, & Magnus vexionensis dei gracia Episcopi, salutem in domino sempiternam, Licet js &c såsom N:o 435 till apciores, Cupientes igitur vt ecclesia vpsalensis que omnium Regni huius mater est & Metropolitana, dignis honoribus & deuocione populi frequentetur, omnibus vere penitentibus & confessis, qui eandem ecclesiam vpsalensem metropolitanam, Jn Cena domini, & singulis diebus sequentibus vsque ad octauas pasche, & in festis beatorum Laurencij & Erici Martirum, ac per Octo dies earundem festiuitatum sequentes, & in Quatuor festiuitatibus beate virginis Marie, videlicet Assumpcionis, Natiuitatis, Purificacionis & Annunciacionis, & per Octauas predictarum sollempnitatum deuote visitauerint, seu eciam ad fabricam eiusdem ecclesie pia karitatis subsidia fuerint elargiti, Nos Laurencius lincopensis Quadraginta dies, Ysarus strengianensis, Quadraginta dies, & magnus vexionensis Quadraginta dies, de omnipotentis dei misericordia, & beatorum petri, & pauli apostolorum eius auctoritate confisi de iniunctis sibi penitencijs ex voluntate et consensu, Reuerendi patris Domini nostri metropolitani, annis singulis misericorditer relaxamus, Datum apud Jðø anno domini Millesimo. Ducentesimo. Nonagesimo septimo vndecimo kalend. Julij.