SDHK-nr: 2560

Omnibus presens scriptum cernentibus,, Bryniulphus. dei gracia scarensis Episcopus,, salutem in domino sempiternam,, Constare volumus euidenter, quod anno domini. Millesimo. CCC°. XIIIº. die lune proxima post palmas, odhensaker in presencia nostra constituti discretus vir Ericus dictus mase de Horne, predia sua dicta prestæbol sita in murhorn jn parrochia Horne cum omnibus suis pertinencijs intra sepes et extra, et vxor sua jngridis omnia predia sua empticia ibidem et in angersthorp sita, cum omnibus ipsorum attinencijs infra sepes et extra, Ecclesie ibi in Horne ad mensam sacerdotis dederunt. jn perpetuum possidenda,, Hoc adiecto, quod quicumque dictorum coniugum alteri superuixerit, omnium prediorum predictorum ad dies suos libere habeat vsumfructum. Jpsis vero ambobus defunctis, memorata omnia predia cum suis pertinencijs vt dictum est, ad ipsam ecclesiam in Horne absque difficultate qualibet, deuoluantur. Jn cuius rei testimonium, sigillum nostrum, et sigillum dicti Erici presentibus sunt appensa. Datum. anno. die et loco supradictis.