SDHK-nr: 8464

Dilecto filio Gotscalco Falcdal electo Lincopensi salutem etc. Apostolatus officium quamquam insufficientibus meritis nobis diuina disposicione commissum quo ecclesiarum omnium regimini presidemus utiliter exequi coadiuuante Domino cupientes soliciti [corde](a) reddimur[,] ut cum de ipsarum ecclesiarum regiminibus agitur committendis quantum ab eo permittitur cuius uices in terris gerimus eis in pastores tales preficere studeamus[,] de quibus consideratis uirtutibus desuper sibi traditis presumimus uerisimiliter ac tenemus[,] quod creditas sibi animas uerbo instruere ualeant et exemplo et eorum studio loca que sunt deputata custodie spiritualium et temporalium grata suscipiant incrementa[.] Nuper siquidem ecclesia Lincopensi ex eo uacante quod nos venerabilem fratrem nostrum Nicolaum Thiniensem tunc Lincopensem episcopum licet absentem a uinculo quo eidem ecclesie Lincopensi cui tunc preerat tenebatur de fratrum nostrorum consilio et apostolice potestatis plenitudine absoluentes[,] ipsum ad ecclesiam Thiniensem tunc uacantem auctoritate apostolica duximus transferendum preficientes ipsum eidem Thiniensi ecclesie in episcopum et pastorem[,] Nos uolentes eiusdem Lincopensis ecclesie regimini ne diutine uacacionis exponeretur incommodis utilem et fructuosam presidere personam[,] cum nullus preter nos hac uice de ipsius ecclesie Lincopensis ordinacione se intromittere potuit neque possit pro eo quod nos diu ante uacacionem huiusmodi Lincopensis ecclesie prouisiones omnium ecclesiarum cathedralium tunc uacancium et imposterum uacaturarum per translaciones per nos imposterum faciendas de prelatis eorum ubilibet constitutis ad alias [cathedrales](b) ecclesias tunc uacantes et inantea uacaturas disposicioni et ordinacioni nostre duximus reseruandas decernendo extunc irritum et inane si secus super hijs per quoscumque quauis auctoritate scienter uel ignoranter contingeret attemptari[,] Post deliberacionem quam de preficiendo eidem ecclesie Lincopensi personam utilem et eciam fructuosam cum eisdem fratribus habuimus diligentem[,] demum ad te[,] ordinis predicatorum professorem penitenciarium nostrum in presbiteratus ordine constitutum litterarum sciencia preditum uite ac morum honestate decorum in spiritualibus prouidum et in temporalibus circumspectum et alijs multiplicibus uirtutum tuarum meritis prout fidedignorum assercione percepimus insignitum[,] direximus oculos nostre mentis[,] Quibus omnibus diligenti meditacione pensatis de persona tua eidem ecclesie Lincopensi de dictorum fratrum consilio auctoritate apostolica prouidemus teque illi preficimus in episcopum et pastorem curam et administracionem eiusdem Lincopensis ecclesie tibi in spiritualibus et temporalibus plenarie committendo[,] Jn illo qui dat gracias et largitur premia confidentes quod eadem Lincopensis ecclesia sub tuo felici regimine gracia tibi assistente diuina prospere dirigetur et salubria dante Domino suscipiet incrementa[.] Jugum igitur Domini tuis impositum humeris suscipiens reuerenter et suaui eius oneri humiliter colla submittens eiusdem Lincopensis ecclesie solicitam curam geras gregem dominicum in illa tibi commissum doctrina uerbi et operis informando[,] quod(c) dicta Lincopensis ecclesia gubernatori circumspecto et fructuosi administratori gaudeat se commissam ac bone fame tue odor ex laudabilibus tuis actibus lacius diffundatur tuque preter eterne retribucionis premium nostre beniuolencie graciam uberius ualeas promereri[.] Datum Auinione ij nonas marcij anno secundoJn eodem modo Dilectis filijs capitulo ecclesie Lincopensis salutem etc. Apostolatus etc. usque incrementa[.] Quocirca discrecioni uestre per apostolica scripta mandamus quatinus eidem Gotscalco electo tamquam patri et pastori animarum uestrarum humiliter intendentes ac exhibentes ei obedienciam et reuerenciam debitam et deuotam eius salubria monita et mandata suscipiatis humiliter et efficaciter adimplere curetis[.] Alioquin sentenciam quam idem electus rite tulerit in rebelles ratam habebimus et faciemus auctore Domino usque ad satisfactionem condignam inuiolabiliter obseruari[.] Datum ut supraJn eodem modo Dilectis filijs clero ciuitatis et diocesis Lincopensis salutem etc. Apostolatus etc. usque incrementa[.] Quocirca uniuersitati uestre(d) per apostolica scripta mandamus quatinus eidem Gotscalco electo tamquam patri et pastori animarum uestrarum humiliter intendentes ac exhibentes ei obedienciam et reuerenciam debitam et deuotam eius salubria monita et mandata suscipiatis humiliter et efficaciter adimplere curetis[.] Alioquin sentenciam quam idem Gotscalcus electus rite tulerit in rebelles ratam habebimus et faciemus auctore Domino usque ad satisfactionem condignam inuiolabiliter obseruari[.] Datum ut supraJn eodem modo Dilectis filijs vniuersis vassallis ecclesie Lincopensis salutem etc. Apostolatus etc. usque incrementa[.] Quocirca vniuersitati uestre per apostolica scripta mandamus quatinus eundem Gotscalcum electum debita honorificencia prosequentes ei fidelitatem solitam necnon consueta seruicia et iura a uobis sibi debita exhibere (e ) integre studeatis[.] Alioquin sentenciam siue penam quam idem electus rite tulerit seu statuerit in rebelles ratam habebimus et faciemus auctore Domino usque ad satisfactionem condignam inuiolabiliter obseruari[.] Datum ut supraJn eodem modo Dilectis filijs populo ciuitatis et diocesis Lincopensis salutem etc. Apostolatus etc. usque incrementa[.] Quocirca vniuersitati uestre per apostolica scripta mandamus quatinus eundem Gotscalcum electum tamquam patrem et pastorem animarum uestrarum deuote suscipientes ac debita honorificencia prosequentes eius monitis et mandatis salubribus humiliter intendatis ita quod ipse in uobis deuocionis filios et uos in eo per consequens patrem inuenisse beniuolum gaudeatis[.] Datum ut supraJn eodem modo Venerabili fratri archiepiscopo Vpsalensi salutem etc. (f-) Apostolatus etc.(-f) usque incrementa[.] Cum igitur ut idem Gotscalcus electus in commissa sibi dicte ecclesie Lincopensis cura facilius proficere ualeat tuus fauor sibi esse noscatur plurimum oportunus[,] fraternitatem tuam rogamus et hortamur attente per apostolica tibi scripta mandates[,] quatinus eundem Gotscalcum electum et commissam sibi ecclesiam tibi metropolitico iure subiectam habens pro nostra et apostolice sedis reuerencia commendatos in ampliandis et conseruandis ipsius ecclesie iuribus sic eum tui fauoris presidio prosequaris[,] quod ipse per tue auxilium gracie se possit in commisso sibi eiusdem Lincopensis ecclesie regimine utilius exercere tuque diuinam misericordiam et dicte sedis beniuolenciam ualeas exinde uberius promereri[.] Datum ut supraJn eodem modo Carissimo in Christo filio Magno regi Suecie illustri salutem etc. Gracie diuine premium et preconium human[e](g) laudis acquiritur si per seculares principes ecclesiarum prelatis presertim ecclesiarum cathedralium regimini presidentibus honor debitus impendatur[.] Nuper siquidem etc. usque incrementa[.] Cum itaque fili carissime sit uirtutis opus Dei ministros benigno fauore prosequi ac eos uerbis et operibus pro regis eterni gloria uenerari[,] celsitudinem regiam rogamus et hortamur attente[,] quatinus eundem electum et prefatam Lincopensem ecclesiam sue cure commissam habens pro apostolice sedis et nostra reuerencia propensius commendatos sic ipsos benigni fauoris auxilio prosequaris[,] quod idem electus tue magnitudinis fultus auxilio (h ) in commisso sibi cure pastoralis officio possit Deo propicio prosperari ac tibi exinde a Deo perennis uite premium et a nobis condigna proueniat actio graciarum[.] Datum ut supra