SDHK-nr: 4732

Omnibus presentes litteras jnspecturis Olauus condam prepositus angermannie curatus ecclesie beate virginis enecopie salutem jn domino sempiternam Quia nichil est certius morte. nichilque incertius hora mortis. oportet anime antequam morte preueniatur salubriter preuidere, Volo igitur per presentes vt omnibus tam ad presens quam in futurum euidencius innotescat. me tam ex parte mulieris cuiusdam michi familiaris jn seruicioque fideliter jnuente nomine Rangno quam ex parte persone mee proprie. predia jnfrascripta in terra Helsingie sita ex mea industria acquisita. videlicet decem et septem siætungaland terre. parochia nordhungaradh. villa asænge, et septem siætungaland terre. tercia parte vnius siætungaland minus. villa vandæstadha. parochia eadem et vnum pratum in wlgari dictum vaghin. parochia nora. ob remissionem peccatorum nostrorum ad domum sancti spiritus stokholmis. ex jnstinctu diuine gracie. affectuque mee bone voluntatis. dedisse. dimisisse. et contulisse. perpetuis temporibus jrreuocabiliter possidenda. abdicando michi et meis antedicta predia. in domum prenominatam omne jus dominii et possessionis. eorundem prediorum transferendo cum eorum singulis et omnibus adiacenciis redditibus prouenienciis quibuscumque Jn cuius rei testimonium sigillum ciuitatis stokholmensis et sigillum meum proprium vna cum sigillis fidedignorum. frowini et hinrici borcardson proconsulum detmari longi et johannis lon. consulum presentibus sunt appensa. Datum anno domini M° CCC° XL° primo jn crastino vndecim milium virginum.