SDHK-nr: 8354

Rotulus regum Suecie et NorwegieSupplicant sanctitati vestre deuoti filij uestri . Magnus et Haquinus Suecie et Norwegie reges / quatinus ipsis in personas infrascriptas clericorum et capellanorum suorum magis sibi specialium et dilectorum seruitorum / specialem graciam facientes / primo videlicet Nicolao Eskilli clerico Lundensis diocesis dicti Magni regis cancellario de dignitate et canonicatu sub expectacione prebende personatu uel officio / cum cura uel sine cura / eciam si quis consueuerit per electionem assumj ecclesie Scarensis vacantibus ad presens / vel cum primum uacauerint / eciam si apostolice sedi specialiter uel generaliter alias fuerint reseruati predicta reseruacione non obstante eidem dignemini prouidere Cum omnibus alijs non obstantibus et clausulis oportunis ac executoribus ut in forma .Jtem quatinus Henrico Henrici presbitero / Vpsalensis diocesis dicti Haquini regis cancellario de canonicatu sub expectacione prebende eiusdem Vpsalensis ecclesie / dignitate personatu / uel officio / cum cura uel sine cura / eciam si quis consueuerit per electionem assumj in eadem ecclesia / uacantibus ad presens uel primum uacaturis dignemini prouidere Non obstante quod idem Henricus parrochialem ecclesiam Thorstuna et vnum hospitale eiusdem diocesis noscitur obtinere / que paratus est dimittere cum etc.(a) / Cum omnibus alijs non obstantibus etc. ut supra in forma .Jtem quatinus Simoni(b) Nicolai presbitero / Lincopensis diocesis dicti Magni regis camerario / de canonicatu sub expectacione prebende ecclesie Lincopensis / vacantis ad presens uel primum uacature dignemini prouidere / Non obstantibus consuetudinibus et statutis eiusdem ecclesie si que sint / quibus cauetur quod nullus maiorem prebendam inibi assequi ualeat / nisi prius de minoribus prebendis ad maiores gradatim ascendat . Et non obstante quod idem Simon parrochialem ecclesiam in eadem diocesi noscitur obtinere Et cum omnibus alijs non obstantibus etc. ut supra in forma .Jtem quatinus Arnolpho Johannis nobili clerico Arosiensis diocesis studenti in artibus qui decimo octauo anno etatis sue existit / de canonicatu / sub expectacione prebende ecclesie Strenginensis / uacantis ad presens uel primum uacature dignemini prouidere Non obstantibus consuetudinibus et statutis eiusdem ecclesie si que sint / quibus cauetur quod nullus etc. ut supra Cum ceteris non obstantibus etc. ut supra in forma .Jtem quatinus Mathie Johannis nobili clerico Arosiensis diocesis studenti in artibus qui decimo septimo anno etatis sue existit / de canonicatu . sub expectacione prebende Arosiensis ecclesie / vacantis ad presens / uel primum uacature dignemini prouidere Non obstantibus consuetudinibus et statutis eiusdem ecclesie si que sint quibus cauetur quod nullus etc. ut supra / Cum alijs non obstantibus etc. ut supra in formaJtem quatinus Winaldo presbitero Lincopensis diocesis / de canonicatu sub expectacione prebende ecclesie Osloensis / vacantis ad presens uel primum uacature dignemini prouidere / Non obstantibus consuetudinibus et statutis eiusdem ecclesie si que sint / quibus cauetur / quod nullus etc. ut supra Et non obstante quod idem Winaldus parrochialem ecclesiam Thom in eadem diocesi noscitur obtinere / Et cum alijs non obstantibus etc. ut supra in forma .Jtem [quatinus](c) Sigfrido Sanderi presbitero Vpsalensis diocesis de canonicatu sub expectacione prebende ecclesie Aboensis / uacantis ad presens / uel primum uacature dignemini prouidere Non obstantibus consuetudinibus et statutis eiusdem ecclesie si que sint / quibus cauetur / quod nullus etc. Et non obstante quod idem Sigfridus vnum hospitale in diocesi Lincopensi noscitur obtinere / Et non obstante defectu natalium / quem patitur de presbitero genitus et soluta cum quo (d-) fuit alias per sedem apostolicam dispensatum(-d) / (e-) dignemini misericorditer dispensare(-e) /Cum omnibus alijs non obstantibus ut supra in forma . Dimitte hospitale .Jtem quatinus Arwido Olauj presbitero Vpsalensis diocesis / de beneficio cum cura / uel sine cura spectante ad collacionem etc. archiepiscopi Vpsalensis / si quid uacat ad presens uel cum primum uacauerit dignemini prouidere . Cum omnibus non obstantibus etc. ut supra in forma .Jtem quatinus Johanni Johannis clerico Arusiensis diocesis viginti annorum / de canonicatu sub expectacione prebende ecclesie Roskildensis / vacantis ad presens / uel primum uacature dignemini prouidere Non obstantibus consuetudinibus et statutis eiusdem ecclesie si que sint / quibus cauetur quod nullus etc. ut supra / Cum alijs non obstantibus etc. ut supra in formaJtem dudum Bernardus de Groningen canonicatum et prebendam / ac thesaurariam ecclesie Caminensis / curatam / cum parrochiali ecclesia . in Trigiloue Caminensis diocesis incompassibiles de consuetudine et de jure contra constitucionem Execrabilis(f) pluribus annis simul tenuit dispensacione super hoc legitime non obtenta / propter quod canonicatus et prebenda ecclesie Caminensis / quas tenuit et collacio eorundem ex constitucione predicta sunt ad sedem apostolicam deuoluti / Quare supplicant eidem sanctitati vestre predicti reges / quatinus Nicolao Soltin de canonicatu et prebenda media ecclesie Caminensis / decem marcharum(g) argenti secundum communem [extimacionem](h) valorem non excedentibus annuum[,] secundum premissa uel alias uacantibus dignemini prouidere Non obstante quod graciam in forma pauperum habu[er]it(i) [spectantem](k) ad collacionem abbatis et conuentus in Belbuc / quam etc. paratus etc. Cum alijs non obstantibus etc. . Fiat pro omnibus et singulis non cancellatis / saluis addicionibus B . Sine alia lectione cum commissione examinis ad partes pro clericis absentibus propter locorum distanciam . Fiat B . (1-) Datum Auinione octauo jdus augusti anno primo .(-1)